 | |
Хятад улс 2017 онд нүүрсний үнийг одоогийнхоос өсгөхгүй байх алхам хийх гэж байна
Нүүрсний үнийн өсөлтийг хязгаарлах алхмыг Хятадын засгийн газраас хийж тус улсын топ нүүрс олборлогчдод 2017 оны үнийг өнөөдрийн зах зээлийн ханштай тэнцүү буюу бага байлгах гэрээг тулгасан тухай нэрээ дурдахыг хүсээгүй эх сурвалж мэдээлжээ.
Өнгөрсөн Пүрэв гарагт болсон шуурхай хуралдаан дээр Үндэсний Хөгжил, Шинэчлэлийн Хорооноос 2017 онд нийлүүлэх нүүрсний үнэ ханшийг ингэж тогтвортой байлгах гэрээг байгуулахыг нийлүүлэгч компаниудаас шаардсан байна.
Ингэхдээ тонн нүүрсний дээд үнийг 600-660 юань ($88-$97) байлгах санал яригдсан гэжээ.
Уг уулзалтанд төрийн өмчийн хамгийн том уул уурхайн компани Шенхуа Групп оролцсон байна.
Уулзалтын үеэр эцсийн шийдвэр гараагүй ч засгийн газар болон нийлүүлэгчдийн хэлэлцээр ойрын хэдэн сард болохоор төлөвлөгдсөн гэнэ.
Засгийн газраас нүүрсний уурхайнуудын олборлолтыг хязгаарлах болсноос нүүрсний үнэ энэ онд эрчимтэй өсөөд байгаа. Хэбэй мужийн Цинхуандао боомт дахь нүүрсний үнэ ханш өнгөрсөн зургаадугаар сараас хойш 50 хувь өсч $97 хүрсэн байна.
Эх сурвалж: South China Morning Post
