 | |
Видео
Шинэ мэдээ
Карло Анчелотти “МЮ”-д...?
Энэ зун Мюнхэн хотын багийг тэргүүлэх гэж буй "Бавария” багийн ирээдүйн ахлах дасгалжуулагч Карло Анчелотти "Реал”-ын оронд "Манчестер Юнайтэд” багт очиж мэдэхээр байсан гэдгээ өгүүлэв.
"2013 онд Алекс Фергюсон намайг оройн зоогонд урьсан юм. Тэр өөртөө маш үнэтэй улаан дарс захиалсан. Гэвч би тэр үед "Реал”-тай яриа хэлэлцээр явуулж байлаа. Аливаа дасгалжуулагч туршлага хуримтлуулахын тулд Мадрид хотын багт ажиллаад үзэх хэрэгтэй юм. Хэрэв би испаничуудтай яриа хэлэлцээр явуулаагүй бол "МЮ”-г 100 хувь тэргүүлэх байсан. "Чэлси”-тэй би Премьер лиг, Английн цомд аваргалсан ч намайг халж орхисон билээ. "Реал”-тай хамт би Аваргуудын лигт аваргалсан ч бас л халагдсан. Халагдаж үзээгүй дасгалжуулагч гэж байдаггүй юм. Фергюсон, Липпи, Капелло, Моуринью, Бенитес нар бүгд л халагдаж байсан. Одоогоор халагдаж үзээгүй цорын ганц хүн байгаа нь Гуардиола. Гэхдээ тэр дэндүү залуу байна. Тиймээс хэзээ нэгэн цагт халагдсан дасгалжуулагчдын багийн эгнээнд элсэх л болно” хэмээн Анчелотти ярьжээ.
Эх сурвалж www.wikimon.mn
