 | |
Бороо оруулдаг найдвартай арга гэнэ
[/image-25]
Саяхныг хүртэл манай ихэнх нутгаар гандуу хэцүү байлаа. Харин зарим газар ган гачигт нэрвэгдэх аюул байнга нүүрлэж байдаг тул эрт дээр үеэс ган гачигаас сэргийлэх, бороо дуудах өвөрмөц ёслол хийдэг болсон байна. Үүний жишээ нь Мексикийн Герреро мужийн нэгэн тосгонд болдог бороо дуудах ёслол. Энэ ёслолы бүр эрт дээр үеэс, Колумб Америкийг нээж цагаан арьстанууд ирэхээс өмнөөс хийсээр өнөөг хүрсэн гэдгийг судлаачид тогтоосон байна.
Тариа тариалах ажил дууссаны дараа энэхүү ёслолд бэлдэж эхэлнэ. Эмэгтэйчүүд мах их орсон хоол унд ихээр хийж бэлдэнэ. дараа нь ёслол болон газар ирж идээ ундаагаа өрж тавьсны дараа ёслол эхэлнэ. Ойролцоо байрладаг хэд хэдэн тосгоны оршин суугчид ирж тойрог болсны дараа ахмад настай эмэгтэйчүүд урагш гарч ирэх охид, бүсгүйчүүдийг хоорондоо зодолдохыг уриална.
Сайн дураар зодолдох бүсгүй гарч ирэхгүй бол тэд өөрсдөө хэн нэгнийг зодосноор яваандаа эмэгтэйчүүдийн хооронд аймшигтай зодоон эхэлдэг. Энэ зодоонд хэн ялах нь чухал биш харин аль болох их цус гарах нь чухал. Асгарч байгаа цусыг хүмүүс саванд цуглуулан нөгөө хоол ундны хамт өрдөг. Зөвхөн эмэгтэйчүүд төдийгүй заримдаа эрчүүд, хүүхдүүд ч тэсэлгүй нударга зөрүүлэн бөөн цус асгаруулдаг. Ингэснээр нар жаргахад зодоон дуусч ёслол өндөрлөдөг. Зодолдож байсан хүмүүс тэврэлдэн эвлэрээд гэр гэрийн зүг явдаг.
Ингээд энэ ёслолын үеэр хийсэн хоол асгаруулсан цусыг бурхад таалвал бороо хур элбэгтэй, ургац арвин жил болдог гэнэ.
