 | |
Тохижилт үйлчилгээний ажилчдыг урамшууллаа
Үндэсний их баяр наадмаар нийслэлийн иргэдийг тав тухтай наадуулахын төлөө сэтгэл зүрхээ гарган сайн ажилласан ТҮК-ийн ажилтнуудыг Улаанбаатар хотын Захирагчийн ажлын албанаас урамшууллаа. Энэ үеэр Улаанбаатар хотын Захирагчийн ажлын албаны Тохижилт, хог хаягдлын удирдлагын хэлтсийн дарга Т.Батбаяр "Нийслэлийн цэвэр цэмцгэр орчныг энэ хүмүүс нуруун дээрээ үүрч явдаг шүү. Аюулгүй байдалдаа анхаарч болгоомжтой ажиллаарай” гэсэн юм.
Наадмаар нийт 240 ажилтан хоггүй цэмцгэр орчныг бүрдүүлэхийн төлөө ажилласан байна.
Баяр наадмын өдрүүдэд хуурайшилттай тоосжилттой байсан тул тодорхой байршлуудад усалгаа хийж Төв цэнгэлдэх хүрээлэнгийн цэвэрлэгээ, үйлчилгээнд дүүргүүдийн Засаг даргын Тамгын газрын Дэд бүтэц, тохижилтын хэлтэс, Ирээдүйн хөгжлийн хүрээлэн ТББ-ын ажилтнууд хяналт тавьж ажилласан гэнэ.
