 | |
Улаанбаатарт 26 хэм дулаан
Малчид, ард иргэдийн анхааралд: Өнөөдөр төв, говь, зүүн зүгийн нутгаар бороо орох тул үер усны аюулаас сэрэмжтэй байхыг анхааруулж байна.
2015 оны долоодугаар сарын 15-ны 09 цагаас 21 цаг хүртэл: Нутгийн зүүн хагаст үүлэрхэг. Төв, говь, зүүн зүгийн нутгийн зарим газраар бороо орно. Дуу цахилгаантай. Нутгийн баруун хэсгээр багавтар үүлтэй. Бороо орохгүй. Салхи нутгийн баруун хэсгээр баруунаас, бусад нутгаар зүүн хойноос секундэд 5-10 метр, говь талын нутгаар секундэд 12-14 метр хүрч ширүүснэ. Хангай, Хөвсгөлийн уулархаг нутгаар 14-19 хэм, Сэлэнгэ, Хараа, Ерөө, Туул голын сав газар болон говийн нутгийн зүүн хэсэг, Дорнод, Дарьгангын тал нутгаар 24-29 хэм, бусад нутгаар 19-24 хэм дулаан байна.
УЛААНБААТАР ХОТ: Үүлэрхэг. Бороо орно. Дуу цахилгаантай. Салхи зүүн хойноос секундэд 7-12 метр. 24-26 хэм дулаан байна.
Өглөө 06 цагт Улаанбаатарт: 13 хэм дулаан, харьцангуй чийг 86 хувь, агаарын даралт 864 гектопаскаль байлаа. Даралт өдөртөө тогтвортой байна.
2015 оны долоодугаар сарын 16-наас долоодугаар сарын 20-ныг хүртэлх
цаг агаарын урьдчилсан төлөв
16-19-нд төв, говь, зүүн зүгийн нутгийн зарим газраар бороо орно. Дуу цахилгаантай. Салхи ихэнх хугацаанд секундэд 7-12 метр. Хангай, Хөвсгөл, Хэнтийн уулархаг нутгаар шөнөдөө 3-8 хэм, өдөртөө 15-20 хэм, Их нууруудын хотгор, говийн нутгийн өмнөд хэсгээр 12-17 хэм, өдөртөө 27-32 хэм, бусад нутгаар шөнөдөө 9-14 хэм, өдөртөө 21-26 хэм дулаан байна.
