 | |
МУГЖ Э.Амартүвшин "Cardiff Singer of the World" наадмын шилдэг тавд шалгараад байна
BBC агентлагаас хоёр жилд нэг удаа зохион байгуулдаг "Cardiff Singer of the World” наадмын шилдэг тавд МУ-ын ДБЭТ-ын гоцлол дуучин, МУГЖ Э.Амартүвшин шалгараад байна. Энэ нь дуурийн дуулаачдын хамгийн нэр хүндтэй тэмцээн юм.
Уралдааны эцсийн шалгаруулалт зургаадугаар сарын 21-нд болох бөгөөд шилдгийн шилдэг дуучин энэ үеэр тодрох юм.
Шилдэг тавд шалгарсныхаа дараа Э.Амартүвшин "Маш сайхан орой байна. Их баяртай байна. Юу хэлэхээ ч мэдэхгүй байна. Ямартай ч би финалд шалгарлаа. Одоо маш сайн бэлдэх хэрэгтэй" гэжээ.
Тэрбээр өнгөрсөн хоёрдугаар сард шилдэг хорин дуучны нэгээр зарлагдаж байсан бол энэ удаад амжилтаа ийнхүү ахиулаад байна.
Анх "Cardiff Singer of the World” наадамд Уэлс, Франц, Итали, Малта, Норвеги, АНУ, Өмнөд Солонгос, Беларусь, Украйн, Турк, ӨАБНУ зэрэг орны 350 орчим уран бүтээлч оролцсон юм.
Эх сурвалж: WalesOnline
