 | |
“AstraZeneca” тариулсан хүн цус бүлэгнэх өвчин туссан тохиолдол Канадад бүртгэгдлээ
Оксфордын их сургууль, Шведын AstraZeneca компанийн хамтран бүтээсэн вакцины тарилгын дараа цус бүлэгнэн том судсанд бөглөрөлт үүссэн анхны тохиолдол Канадад гарсан тухай СВС телевизээр мэдээлжээ.
Энэ тохиолдол гарсан Квебек мужийн эрүүл мэндийн байгууллын мэдээнээс тус телевиз иш татсан байв. "AstraZeneca” вакцин тариулсан эмэгтэйд цус бүлэгнэж судас бөглөрөх шинж үүссэн үүссэн бөгөөд эмэгтэй одоо гэртээ эмчлүүлж байгаа аж.
Өчигдөр "AstraZeneca” вакцин тариулсан өвчтөний судас бөглөрсөн өөр нэг тохиолдол Австралид гарсан байна.
"AstraZeneсa” компанийн вакцины тарилгын дараа тромбоз үүсч байгаагийн хоорондын холбоог олоогүй гэж ДЭМБ гуравдугаар сарын 19-нд мэдээлсэн бөгөөд ингэж мэдэгдэхдээ "Вакцины хор хөнөөл нь ашиг тустай нь харьцуулахад өчүүхэн” гэсэн байсан юм.
Өмнөд Африк Johnson & Johnson компанийн вакцины дараа тромб үүссэн шалтгааныг судлахаар америк вакцины тарилгыг зогсоожээ. Зургаан америк иргэн тарилгын дараа нь цус нь бүлэгнэн судас нь бөглөрсөн тул АНУ-д уг вакцин ашиглалтыг бас зогсоосон талаар бид өмнө нь мэдээлсэн билээ.
