Вэб холбоос

 

Нью-Йорк хотын захирагч асан Майкл Блюмберг АНУ-ын Ерөнхийлөгчид Ардчилсан намаас нэр дэвших сунгаанаас гарч, Жозеф Байденыг дэмжихээр болсноо мэдэгджээ. "Гурван сарын өмнө би Доналд Трампыг ялахын тулд ерөнхийлөгчийн сонгуульд хүч үзэхээр болсон билээ. Өнөөдөр би ижил шалтгаанаар уг өрсөлдөөнийг орхиж байна. Трампыг ялах явдал түүнийг дийлэх магадлал өндөртэй нэр дэвшигчийг дэмжин нэгдэхээс эхэлнэ. Тэр хүн бол мэдээж, миний найз бас гайхалтай америк Жо Байден” гэж тэрбээр Твиттертээ жиргэжээ. Эл шийдвэрээ Блюмберг "Супер Мягмар гараг” сунгаанд маш муу үр дүн үзүүлснийхээ дараа гаргажээ. Тэрбээр сонгуулийн өмнөх компанит ажилдаа хагас тэрбум орчим доллар зарцуулсан ч зөвхөн Америкийн Самоад ялалт байгуулж мөн намынхаа их хурлын 12хон депутатын дэмжлэгийг авсан байна. "The New York Times" сонинд мэдээлснээр Жо Байденыг одоо 404 төлөөлөгч дэмжиж байгаа бол түүний гол өрсөлдөгч Вермонт мужийн сенатч Берни Сандерс 340 депутатын дэмжлэг авчээ. Нэр дэвшигч Элизабет Уоррен 36 депутатын дэмжлэг авснаараа уралдааны тэргүүлэгчдэд сүрхий өрсөлдөгч болж чадахгүй нь ойлгомжтой болжээ.

Tweet