 | |
ХОТ ХООРОНДЫН НИЙТИЙН ТЭЭВРЭЭР ЗОРЧИЖ БАЙГАА ИРГЭД АМНЫ ХААЛТ ЗҮҮСЭН ЭСХЭД ХЯНАЛТ ТАВИЖ, БИЕИЙН ХАЛУУНЫГ ХЭМЖИЖ БАЙНА
Дундговь аймгийн Авто тээврийн төвөөс хот хоорондын нийтийн тээврээр зорчиж байгаа иргэд амны хаалт зүүсэн эсхэд хяналт тавиж, биеийн халууныг хэмжин шинэ төрлийн корнавирус болон томуу, томуу төст өвчнөөс урьдчилан сэргийлэх зөвлөгөө өгөн ажиллаж байна. Мөн тээвэрлэлт хийж байгаа автобус компаниуд тогтмол ариутгал хийж байна.
Дундговь аймгаар Улаанбаатар –Өмнөговийг холбосон улсын чанартай авто зам дамжин өнгөрдөг бөгөөд 14 цагийн байдлаар 7 автобусаар 248 иргэн дамжин өнгөрөөд байна.
Харин УБ - ДУ чиглэл, ДУ-УБ чиглэлийн зорчигч тээврийн автобусаар нийт 46 иргэн зорчжээ. Энэ хугацаанд халуурсан болон шинэ төрлийн кронавирусын шинж тэмдэг илэрсэн тохиолдол гараагүй байна гэж тус төвийн дарга Ц.Бямбацогт мэдээллээ.
