 | |
Фото: Д.Нацагдоржийн хөшөөнд цэцэг өргөх ёслол боллоо
Монгол улсад хүүхдийн хөдөлгөөн, байгууллага үүсэж хөгжсөний 94 жилийн ой өнөөдөр тохиож байна. Энэхүү өдрийг тохиолдуулан хүүхдийн байгууллагыг үндэслэгч, их зохиолч Д.Нацагдоржийн хөшөөнд хүндэтгэл үзүүлж, цэцэг өргөх ёслол боллоо.
Энэхүү арга хэмжээнд УИХ, Засгийн газар, Нийслэлийн удирдлагаууд, Гэр бүл хүүхэд, залуучуудын хөгжлийн газар, Нийслэлийн хүүхэд гэр бүл хөгжлийн газар, дүүргүүдийн гэр бүл, хүүхэд залуучуудын хөгжлийн хэлтсийн дарга, мэргэжилтэн, ажилтнууд, хүүхдийн байгууллагын үе үеийн төлөөлөл оролцсон юм.
Хүүхдийн байгууллага нь 1925 онд санаа зориг нийлсэн хэсэг залуучуудын санаачилгаар "Хойчийг залгамжлагч багачуудын холбоо" нэртэйгээр анх байгуулагдсан түүхтэй билээ. Тус холбоо нь шинэ үеийн зохиолч Д.Нацагдоржоор удирдуулж, "Бүхний олон багачууд" дууг эгшиглүүлэн хүүхэд залуучуудын зүрх сэтгэлийг нэгэн зүгт хандуулахад анхааран ажилладаг байсан гэдэг. Ингээд уншигч авхай танд өнөөдөр болсон ёслолын арга хэмжээний фотог хүргэж байна.
Монголын хүүхдийн байгууллага нь:
-1925-1940 онуудад Монголын пионерын байгууллагын төв товчоо
-1940-1949 онд МХЗЭ-ийн төв хорооны сургууль пионерын байгууллагын төв зөвлөл
-1991 оноос Монголын төлөө үндэсний газар
-2016 оноос Гэр бүл, хүүхэд, залуучуудын хөгжлийн газар нэртэйгээр өргөжин тэлжээ.
