|
Видео

Шинэ мэдээ

УИХ-ын гишүүн Г.Солтан яллах тогтоолтойгоо танилцаж, гарын үсэг зуржээ

УИХ-ын нэр бүхий таван гишүүнийг ЖДҮХС-аас өөрийн эзэмшлийн болон хамаарал бүхий компаниараа дамжуулан зээл авсан асуудлыг АТГ-аас шалгаж эхэлсэн билээ. Өнгөрсөн хугацаанд УИХ-ын гишүүн Б.Ундармаа Д.Дамба-Очир, Б.Батзориг, Л.Энхболд нар хэрэгтэйгээ танилцан гарын үсгээ зурсан байна. Өөрөөр хэлбэл яллагдагчаар татан шалгах материалдаа танилцжээ. Харин УИХ-ын гишүүн Г.Солтан тогтоолтойгоо танилцахгүй нэг сарын хугацаа өнгөрөөд байсан юм. Түүнд хилийн хориг тавих нөхцөл үүсээд байсан юм. 
Тэгвэл тэрээр хоёр хоногийн өмнө тогтоолтойгоо танилцан гарын үсгээ зуржээ.
Эргэн сануулахад Хүнс, хөдөө аж ахуй, хөнгөн үйлдврийн сайд асан Б.Батзориг "Тээвэр аялал” ХК, "Наму дэвжих” ХХК-аараа 3 тэрбум төгрөг, УИХ-ын гишүүн Г.Солтаны "Монгол шаазан” ХХК 950 сая төгрөг, Б.Ундармаа "Доктор мэйк” ХХК-аараа 700 сая, Л.Энхболд "Жаргалант харвест” компаниараа дамжуулан 1,2 тэрбум төгрөгийн, "Хас Говь транс” ХХК-аараа 950 сая, Д.Дамба-Очир "Сафир стоун” ХХК-аараа дамжуулан 1.2 тэрбум төгргийн зээлийг жижиг дунд үйлдвэрийг хөгжүүлэх сангаас зээл авсан нь тогтоогдоод байгаа юм.
ТӨР.МН

Сэтгэгдэл

АНХААРУУЛГА: Уншигчдын бичсэн сэтгэгдэлд www.ENE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.