 | |
Видео
Шинэ мэдээ
Шагж гэлэнгийн паян Бууз
Олон хүүхэдтэй ядуухан айлын хүүхэд байсан болохоор баян айлын хүүхэд шиг шинэ жил энэ тэрийг мэдэхгүй ш дээ. Цагаан сар л сэтгэлд тод үлдэж.
Цагаан сар гээл бодхоор миний ходоодыг баясгахаар ирж буй үй түмэн бууз зэрэглээн дунд төсөөлөгддөг байж билээ.
Багадаа яасан ч их өлсдөг байсан юм. Хоол идэхэд идэж байгаа хурд нь өлсөж байгаа хурдаа гүйцдэггүй байсан байгаан.
Байнга өлсөж явдаг учраас бие жижигрээд үргэлж хоол бодож сэрдэг учраас толгой томроод үлдчихсэншдээ миний. Миний толгойг чихрийн цаасанд ороочихвол би зүгээр л аварга том Чупа Чупс. Өнөөдөр яаж цадах уу гээл тувт толгойгоо ажиллуулдаг учраас IQ лут хөгжсөн шиг байгаа юм.
Өгүүлбэртэй бодлого бодохооор "хоёр галт тэрэг угталцан гараад нэг нь тэдэн км цагийн хурдтай явахад хэдэн цагийн дараа уулзалдах вэ” гээл бодлого байдаг ш дээ.Эхэндээ бодож чадахгүй. Харин хоёр галт тэрэг дөнгөж сая жигнэсэн бууз ачаад уур савсуулаад хөдөлжээ гэх юм бол шууд бодно ш дээ. Сайхан уур савссан богоон бууз төсөөлөхөөр тархи гавал дотроо буцалж байгаа юм чинь. Тэгшитгэлийн Х, У-ыг олохдоо зүгээр бууз гээл төсөөлчихөд асуудалгүй бодно. Ямар ч бодлогыг хоол, буузтай холбоход алданаа гэж гонж.
Гучин хоёр цагаан лонхыг тоолж чадахгүй хэрнээ "гучин хоёр цагаан” бууз гээл тоолоход 42 хүргэж байгаа юм чинь.
"Би чамд хайртай” дээр хөрш нь давсгүй бууз оруулж өгөхөд Баяраагийн аав нээх тоодоггүйшдээ. Би тэгэхэд дотроо "ямар хамаатай юм бэ, давсгүй чигээр нь хусчих л даа” гээд өмнөөс нь гэдэс шажигнацан этр хо хо. Кино үзэхэд, ном уншихад хоолтой хэсэг ороод ирвэл гэдсэн дотор Харангын Пүүжээ ах орж суугаад бөмбөгр нүдэх лугаа гэдэс хоржигононо.
Сурагч байхдаа амралтаараа өвөөгийндөө очиж хонь хариулав. Хоёр хонь хайгаад олдоггүй. Айлаас асуух санаатай ортол хойд авдар дээр нь хоёр бууз байх юм. Энүүгээр хоёр хонь харагдвуу гэх гэсэн хүн чинь " энүүгээр хоёр бууз харагдавуу” гэж асуугаад баларсан. Намайг өнгөрсөн зун нутагт очиход тэднийхэн "Шагжаа нөгөө хоёр буузаа олсон уу” гэж дарамталж байлээшдээ.
Их багад нь шилжүүлээд нэг Монгол хүн цагаан сараар 80-100 бууз иддэг гэж тооцвол бид чинь 150-200 сая бууз хийдэг юм байна.
Ай миний Монголын хэдэн зуун сая бууз минь.
Шагж гэлэн
Санал болгох:
