 | |
Хятад улс АНУ-ын өрийн хэрэгсэлд оруулах хөрөнгө оруулалтаа эрс бууруулахгүй
АНУ-ын өрийн хэрэгслийн зах зээлд оруулах хөрөнгө оруулалтаа Хятад улс эрс буруулахаар төлөвлөөгүй гэж тус улсын Үнэт цаасны хяналтын хорооны орлогч дарга Фан Синхай мэдэгджээ.
"Хятад улсын хуримтлалын хэмжээ хангалттай өндөр түвшинд байгаа бөгөөд гадаадын зах зээлд тогтмол хөрөнгө оруулж буй боловч Америкийн өр урьдын адил хамгийн тохиромжтой сонголт хэвээр байна” гэж тэрбээр Давосын чуулга уулзалтын үеэр мэдэгдсэнийг Хятадын хэвлэлүүд уламжилсан байна.
Түүний үзэж буйгаар, одоогийн худалдааны маргаан Хятадын Засгийн газрын Америкийн улсын өрийг худалдаж авах сонирхолд нөлөөлөхгүй.
АНУ-ын Сангийн яамны мэдээллээс үзвэл, Хятад хэдийгээр АНУ-тай тааруу харилцаатай байгаа боловч тус улсын өрд оруулж буй хөрөнгө оруулалтаар тэргүүлсэн хэвээр байна. Өнгөрсөн оны есдүгээр сарын байдлаар Хятад 1.171 их наяд ам.долларын өрийн бичиг худалдан авчээ.
