 | |
Видео
Шинэ мэдээ
Криштиан Роналдо аваргуудын лигээс 100 ДАХЬ ХОЖЛОО авав
Италийн Ювентус багт ирээд дөрвөн сар гаруйн хугацаа өнгөрүүлээд байгаа өнөө цагийн шилдэг хөлбөмбөгчдийн нэг Криаштиан Роналдо урьд шөнө "Валенсиа" багтай хийсэн тоглолтоороо "Аваргуудын лиг"-ээс 100 дахь хожлоо авлаа.
Роналдо 100 дахь хожлоо авахын тулд энэ хугацаанд 160 тоглолтод оролцжээ.
Тэр хамгийн анх 2003 оны аравдугаар сард "Аваргуудын лиг"-т анхны тоглолтоо хийж, "Штутгарт" багт хожигдож байв. Тэр цагаас хойш "Аваргуудын лиг"-ийн жинхэнэ супер од, хамгийн шилдэг тоглогч нь байсаар өдгөө нийтдээ таван удаа түрүүлж, 160 удаа тоглож, 100 хожиж, 122 гоол оруулаад байна. Роналдо үүгээр зогсохгүй "Аваргуудын лиг"-т нэг улиралд 17 гоол оруулсан рекордыг эзэмшдэг бөгөөд зургаа дахь цомоо өргөхөөр "Ювентус"-тэй нэгдсэн билээ. Энэ жил 33 настай түүнийг хөлбөмбөгийн бурхан тэнгэр хаях болоогүй гэдгийг тэр цаг мөч тутамд батлан харуулсаар байна.
Г.ЭНХ-УЯНГА
