|
Видео

Шинэ мэдээ

Баянзүрхийн товчоо орчмын замыг 10 хоног хаана

Баянзүрхийн товчоо орчмын замыг 10 хоног хаана

Нийслэлийн Баянзүрх дүүргийн товчооны орчмын 2,2 км замын өргөтгөл, шинэчлэлтийн ажил үргэлжилж байна.  Улаанбаатар хотоос зүүн бүсийн чиглэлийн авто замд тээврийн хэрэгслийн хөдөлгөөний эрчим ихсэж,  хүчтэй аадар бороо орсны улмаас тухайн замд их хэмжээний нүхэн эвдрэл гарсан нь осол гарах гол шалтгаан болж, авто тээврийн хэрэгсэл зорчиход хүндрэлтэй нөхцөл байдал үүссэнтэй холбоотойгоор Нийслэлийн Авто замын хөгжлийн газраас Улиастайн уулзвараас Баянзүрхийн гүүр, Баянзүрхийн товчооны орчмын  авто замын өргөтгөл, шинэчлэлтийн ажлыг богино хугацаанд гүйцэтгүүлэхээр график, төлөвлөгөөний гарган шуурхай эхлүүлжээ.

Зам засварын ажил эхэлж байгаатай холбогдуулан 2018 оны есдүгээр сарын 03-ны өдөр  Баянзүрхийн товчоог буулгасан бөгөөд 15 хоногийн дотор авто замын ажил хийгдэж, байнгын ашиглалтад оруулахаар төлөвлөж байна. Зам барилгын ажилтай холбогдуулан 2018 оны есдүгээр сарын 11-ний өдрөөс 23.00 цагаас 09 дүгээр сарын 21-ний 23:00 цаг хүртэл хугацаанд Улиастайн уулзвараас Баянзүрхийн товчоо, Богд уулын арын замын уулзварын хэсгийн замын авто тээврийн хэрэгслийн хөдөлгөөнийг түр хязгаарлахаар боллоо. Эхний ээлжид Баянзүрхийн товчооноос Богд уулын арын уулзвар хүртэлх  800 м авто замд өргөтгөл, шинэчлэлтийн ажил хийгдэж, тус хэсгийг 2018 оны есдүгээр сарын 15-нд нээнэ.

Иймд иргэд Төмөр замын аюулгүйн зурвас ашиглаж Скай ресортын авто замтай холбогдох хэсгийн авто замаар зорчих боломжтой юм байна. Нийслэлийн Авто замын сангийн хөрөнгөөр хийгдэх нийт 2.2 км авто замын эхний 1.4 км авто шинэчлэлтийн ажил, үлдсэн 0.8 км авто замыг өргөсгөж, дөрвөн эгнээтэй болгох юм.


Сэтгэгдэл

АНХААРУУЛГА: Уншигчдын бичсэн сэтгэгдэлд www.ENE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.