 | |
Видео
Шинэ мэдээ
Усэйн Болт паралимпад замчилж гүйнэ
Олимпийн наадмын 6 удаагийн аварга Усэйн Болт Паралимпийн гурван удаагийн аварга Бразилын тамирчин Терезина Гуйлерминаг замчилж гүйхээр боллоо. Терезина Гуйлермина нь харааны бэрхшээлтэй тамирчин юм.
Тэрээр 2008 оны Бээжингийн Паралимпийн эмэгтэйчүүдийн 200 метрийн гүйлтэд алт, 2012 оны Лондонгийн Паралимпад эмэгтэйчүүдийн 100 метр, 200 метрийн төрөлд мөн алтан медаль хүртэж байжээ. Олимпийн зургаан удаагийн аварга Усэйн Болтоор замчлуулах болсон талаараа "Мөрөөдөл биелэдэг юм байна. Дэлхийн хамгийн хурдан хүнээр замчлуулаад гүйнэ гэдэг тэр бүр хүн бүхэнд тохиох аз завшаан биш байх" хэмээн ярьжээ.
Усэйн Болт өнгөрсөн дөрөвдүгээр сарын 18-ны өдрөөс эхлэн Терезинатай хамт бэлтгэл хийж байгаа юм.
Э.Нямцоож
