 | |
Туранхай залуучууд булчингийн массаа нэмэх 8 арга
Ген таны царай төрхөнд нөлөөлөөд зогсохгүй таны биеийн галбирт ч мөн нөлөөлнө. Хэрвээ таны эцэг эх туранхай бол та туранхай байх магадлал өндөр. Таны биед хуримтлагдах өөх тосны хэмжээ болон бодисын солилцооны байдал таны генээс л шалтгаална. Тэгэхээр ген болохоор яаж ч чадахгүй гэж бодож болохгүй. Та туранхай мөртлөө булчинлаг болохыг хүсэж байна уу? Энэ боломжтой, дараах стратегийг баримтлаад булчингийн массаа нэмээрэй.
1. Дасгал сургуулилтаас өмнө нүүрс ус сайн хэрэглэ Хоол идэх цаг маш чухал үүрэгтэй. Дасгал сургуулилтын дараа нүүрс ус хэрэглэх дадал бол буруу. Ачаалал авах дасгалын өмнө нүүрс усаар баялаг хүнс хэрэглэх нь таны биед тустай. Нүүрс ус нь АТФ (аденозинтрифосфат) ялгаруулах буюу булчин хатуурах шинж тэмдгээс хамгаалдаг байна. Мөн ВСАА болон CLA зэрэг нэмэлт тэжээл хэрэглэсэн ч болно. Эдгээр амин хүчлүүд нь таны булчин хатуурахаас сэргийлэх ажээ.
2. Дасгал сургуулилтын дараа уураг их хэмжээгээр хэрэглэ Уургаар баялаг хүнс маш ихээр хэрэглээрэй. Мөн нэмэлт тэжээл байдлаар ч ууж болно. Уургийн бэлдмэл бол хамгийн шилдэг арга, хүний биед хурдан шингэдэг уураг болон амин хүчлээр баялаг юм. ВСАА нэмэлт тэжээл нь бусад нэмэлт тэжээлийг бодвол элгээр дамждаггүй тул хор багатай ажээ. Хүнсний хувьд тахианы цээж махыг сонговол илүү үр дүн өгнө. Булчингийн массаа нэмэгдүүлэхийн тулд өдөрт хэдий хэр хэмжээний уураг хэрэглэх вэ? Өөрийн биеийн жингийн кг тутамд 1,5 грамм уураг гэж тооцоолоорой.
3. Хоногт 8 цагаас илүү унт Булчин – зөвхөн ачаалал өгөөд зогсохгүй мөн амарч байх ёстой. Нойрны үед өсөлтийн гормон маш ихээр ялгардаг гэдгийг та сонсоо л байлгүй.
4. Идэвхтэй дасгал сургуулилтын хоорондох амралтын хугацааг уртасгах Дасгал сургуулилтын хоорондын амралтын хугацаа бага бол таны өөх тос илүү их ачаалал авч хайлдаг, харамсалтай нь та өөх тос багатай нэгэн. Тэгэхээр дасгал хоорондын зайг уртасгаарай.
5. Гурван долоо хоног тутам дасгалаа соль Хүний бие хичнээн хүнд хүчир дасгал байсан ч тэр дороо дасдаг учир удаан хугацаагаар үргэлжлүүлэн хийсэн дасгал үр дүнгээ өгөхөө больдог.
6. Амраад, ачаалал авах өдөр тусгайлан гарга Хоолны дэглэм, байнгын дасгал сургуулилт таныг ядрааж мэднэ. Тэгэхээр долоо хоногийн нэг өдрийг өөрийнхөө амралтанд бүтэн зориул, тэр өдрөө юу ч битгий хий, юу хүссэнээ ид. Нэгэнт туранхайгаас хойш калори тоолох ямар ч шаардлага байхгүй.
7. Том булчин дээр төвлөрөн ажилла Хурдан үр дүнг нь харахыг хүсэж байвал том хэмжээний булчин бөөгнөрсөн газарт төвлөрөн ажилла. Жишээ нь хөлийн булчин хэвлийн булчингаас хурдан томорно.
8. Галбир дээрээ анхаар Анхлан хичээллэгсэд эхний шатандаа олигтой үр дүнд хүрч чаддаггүй. Санаагаар бүү уна. Юуны түрүүнд та өөрийн биеийн галбирт анхаарал хандуулж үр дүнд хүрээд дараа нь булчингийн масс нэмэх тал дээр ажиллах болно.
Дүгнэлт Зарим нэг нь илүүдэл өөхнөөсөө салж байж дараа нь булчинтай болохоор хичээллэдэг, харин зарим нэг нь жинтэй болж байж булчинтай болохоор спортоор хичээллэнэ. Эдгээр стратегийн тусламжтайгаар та өөрийн булчингийн массыг нэмж чадна, туранхай байсан ч хамаагүй үзээд л алд.
XOROM.COM
