 | |
Ц.Оюунгэрэл гишүүн Хорих газрын шалан дээр яагаад суув?
Монголын ардчиллын "загалмайлсан эцэг” С.Зориг агсаны эхнэр Б.Булганыг баривчилж хорьсноос хойш нэлээдгүй хугацаа өнгөрч байгаа билээ. Түүнийг чухам ямар хэргийн улмаас баривчилсан нь өнөөг хүртэл оньсого мэт нууцлагдмал байдалтай байсаар.
Б.Булганыг цагдан хорьсон гэдгийг ЦЕГ-ын Хэвлэл мэдээллийн албаныхан мэдэгдсэнээс өөр тодорхой мэдээлэл бараг алга. Түүнийг Төв аймаг дахь урьдчилан хорих төвд хорьж байгаа талаар мэдээлж байсан. Мөн Б.Булганыг өмгөөлөгчөөс нь өөр хэнтэй ч уулзуулахгүй байгаа бөгөөд өмгөөлөгчид нь мэдээлэл задруулахгүй байх үүрэг өгсөн гэцгээж байсан. Ээж нь ч түүнтэй уулзаж чадахгүй байгаа тухай хэвлэлд ярилцлага өгсөн билээ.
Тэгвэл саяхан УИХ-ын гишүүн Ц.Оюунгэрэл, Хүний эрхийн дэд хорооны дарга Л.Болд нар сэжигтэн Б.Булганы хоригдож буй хэсэг рүү нэвтрэх гэж бөөн юм болсон тухайгаа олон нийтийн сүлжээ хуудсаараа мэдээлсэн байна. Нэлээн тэмцэж байж Б.Булгантай уулзаж амжсан бололтой.
Олон нийт ч Б.Булганы энэхүү хэрэгт нэлээн шүүмжлэлтэй хандацгааж байна.
Ямар ч мэдээлэлгүйгээр, хүнийг ингэж удаан хугацаагаар учир битүүлэг байдлаар хорьж цагдана гэдэг хүний эрхийг зөрчиж буй бүдүүлэг үйлдэл юм.
Энэхүү хэргийн талаар сонгуулийн өмнө сюрприз барихаар нөөцлөөд байж ч болох талтай мэт...
Д.Мигаа
Эх сурвалж: ZONE.MN
