 | |
Видео
Шинэ мэдээ
Хайртай хүндээ хиам өгөхгүй
Сүүлийн үед олон нийтийн сүлжээгээр Хайртай хүндээ хиам өгөхгүй гэсэн уриалга бүхий хөдөлгөөн өрнөөд байгаа билээ.Бидний хамгийн их амтархан иддэг хиамны гол амт үнэр өнгө оруулагч "нитрит” хэмээх химийн бодис нь хорт хавдар үүсгэдэг вирусийн гол өдөөгч гэдэг нь ДЭМБ-ын судалгаагаар нотлогджээ.
Хиамыг зах зээлд хурдан шуурхай борлуулахын тулд үнэр амтанд донтуулагч хүчтэй химийн найрлага бүхий амтлагч хольдог бөгөөд энэхүү бодисыг 10 кг маханд 0,02 грамм орох тунг нь тохируулахгүйгээр сайхан амт үнэр оруулж хүний идэх хүслийг татахын тулд хиамны үйлдвэрүүд халбагаар хутган хийдэг юм байна.
Сүүлийн жилүүдэд элэг ходоод цусны хавдраар өвчлөгсөд эрс нэмэгдэж залуужиж байгаатай холбогдуулан ДЭМБ-аас тандалт хийжээ.
Судалгаагаар өвчлөгсдийн дийлэнх нь хоолны буруу зуршлаас болсон бөгөөд хамгийн сонирхолтой нь хорт хавдрын шинж тэмдэг илрэгсдийн 75-80 хувь нь хиам болон хиам оролцдог түргэн хоол болох пицца, бургер, ороомог, салатанд дурлагсад буюу 2-35 хүртэл насны хүүхэд залуус болох нь анхаарал татсан байна гэж Хавдар судлалын үндэсний төвийн цахим хуудсанд бичжээ.
