 | |
Видео
Шинэ мэдээ
Ирэх жил Холливудын Алдрын гудамжинд нэрээ бичүүлэх алдартнуудыг танилцуулав
Холливудын Худалдааны танхимын төлөөлөгч Леон Гублер болон жазз хөгжимчин Дэйв Коз нар ирэх жил буюу 2016 онд Холливудын Алдрын гудамжинд нэр нь тавигдахаар болсон урлагийн салбарын алдартнуудыг танилцуулсан байна. Тодруулбал, ирэх жил Холливудын Алдрын гудамжинд кино урлагийн салбараас жүжигчин Стив Карелл, Брэдли Күүпэр, Эшли Жадд, Майкл Кийтон, Курт Рассел болон найруулагч Квентин Тарантино, Тоширо Мифуне нарын нэр болон таван хошуу хэлбэрийн од тавигдахаар болсон байна.
Харин телевизийн салбараас Барбара Бэйн, Кэти Бэйтс, Рома Дауни, Дэвид Духовни, Эллисон Жэйни, Роб Лоув, Дебра Мэссинг, Трэйси Морган, Гэри Синис, Виллиам Пэйли нар тодорсон бол радиогийн салбараас спортын сэтгүүлч, хөтлөгч Ральф Лоулер тодорчээ.
Дуу хөгжмийн салбараас продюссер Жозеф Б.Смит, Адам Левин, дуучин Бруно Марс, Синди Лопер, Ширли Сийзар, реп дуучин Л Л Күүл Жэй, хийлч Итжак Перлман болон Касс Эллиот нар орсон бол тайзны урлагийн салбараас театрын жүжигчин Анжелика Мариа, Харви Фирштайн болон хошин уран бүтээлч, жүжигчин Кэвин Харт нар Алдрын гудамжинд өөрсдийн таван хошуутай болох нь.
