Вэб холбоос

Энэ жүжигчний кинонд тоглох ханш "Тугал нүдэн” хочит Дон Хьюк, Бэ Юн Жу буюу монголчуудын нэрлэдгээр Чаньвуг аль хэдийн давж, Солонгосын хамгийн өндөр ханштай, хамгийн баян жүжигчин гэдэг алдрыг нэгэнт хүртжээ.

Тэрээр зургаан давхар хаустай, 10 машины гараштай, тэнд нь сүүлийн үеийн загварын хамгийн үнэтэй машинууд эгнээстэй байдаг гэнэ. Солонгосын сэтгүүлчид түүний амьдардаг зургаан давхар хаусыг монгол мөнгөөр 50 тэрбум төгрөг гэж үнэлж, хувийн хаусыг нь бараг л зочид буудал болгон ашиглаж болно гэж бичицгээдэг.

Байрны нэр нь хүүгийнх нь нэртэй адилхан, дугаар нь ээжийнх нь төрсөн он сар өдөртэй таардаг гэнэ.

Солонгосын хамгийн баян жүжигчин энэ мэт үйлдлээрээ солонгосчуудыг мэл гайхуулдаг. Дэлхийд баянд тооцогддог солонгосчууд жүжигчин Сан Вугийнхаа тансаг хэрэглээг гайхаж, сэтгүүлчид нь уралдан бичиж, ард иргэд нь шагшран ярьдаг гэнэ.

Солонгос жүжигчид баян, гэхдээ л Сан Ву жүжигчин шиг зургаан давхар хауст амьдардаг жүжигчин одоогоор байхгүй. Тиймдээ ч бусад жүжигчид нь Сан Вуд дотроо битүүхэн атаархдаг гэнэ.

Түүнээс гадна Сан Ву Солонгосын хамгийн сайн аав, халамжтай эцэг гэдгээрээ алдартай. Тэрээр таван настай хүүтэй. Өөрийнхөө голомтыг залгах ганц хүүг зөвхөн өөрөө цэцэрлэгт хүргэж өгдөг, орой нь бас өөрөө авдаг.

Солонгосын кино найруулагчид Сан Вуг кинондоо уралдан урихдаа, хүүхдээ цэцэрлэгээс хүргэж өгөх, авах цагийг нь харгалзан зураг авалтаа зохицуулдаг.

Аргагүй л оддын, бас тэрбумтны амьдралаар амьдарч чаддаг жүжигчин.

Энэ алдартай баян, бас царайлаг жүжигчин эрийн азтай эхнэрийг Тэ Ён гэдэг. Тэрээр 2001 оны Солонгосын мисс болж байсан сайхан бүсгүй, одоо мөн нөхөртэйгөө адилхан жүжигчин.

Удтал болзсон хосууд 2008 онд хуримласан, хуримласнаас нь хойш таван сарын дараа ганц хүү нь төрсөн. Үзэсгэлэнтэй гэргий, хөөрхөн хүү хоёртоо амиа тавьдаг жүжигчин Сан Ву гэр бүлдээ тун халамжтай.

Эднийхэн гэр бүлээрээ жилдээ нэг удаа Англи, Франц, Америк, Швейцарь зэрэг гадны оронд очиж амарч аялдаг заншилтай.