|
Видео

Шинэ мэдээ

Өндөгнөөс хордсон байх магадлалтай хоёр айлын 10 хүн ХӨСҮТ-д эмчлүүлж байна

Баянгол дүүрэгт нэг дор амьдардаг хоёр айлын гэр бүлийн нийт гишүүд хордлого өгөн өчигдөр ХӨСҮТ-д хүргэгдэн иржээ. Хордлогын шинж тэмдэг хүчтэй илэрсэн ч золоор иргэдийн биеийн байдал одоо сайжирсан байна.
Харин дээрх хүмүүс юунаас хордсоныг тодруулах талаар шинжилгээ хийгдэж байна. 
ХӨСҮТ-ийн ХӨТСА-ын дарга А.Амбасэлмаа хордлогын талаар ярихдаа  "Шинжилгээний хариу гараагүй байна. Өндөгнөөс хордсон байж болзошгүй гэж таамаглаж байгаа. Хордсон хүмүүс хэлэхдээ БГД-ийн 22-р хороонд үйл ажиллагаа явуулдаг хүнсний дэлгүүрээс өндөг авч, нэг хашаанд байдаг хоёр айл хоол хийж идсэн гэсэн. Харин түүнээс хойш таван цагийн дараа халуур, гүйлгэсэн учраас манайд хадсан” гэлээ.
 

Эмнэлэгт 10 хүн ирснээс ес нь шинжилгээнд орж, долоо нь хэвтэн эмчлүүлж байгаа аж. Шинжилгээний хариу маргааш өглөө гарах бөгөөд харьяа дүүргийн мэргэжлийн хяналтын хэлтэс шалгалт хийж байгаа гэдгийг мэдээллээ.


Сэтгэгдэл

АНХААРУУЛГА: Уншигчдын бичсэн сэтгэгдэлд www.KINGNEWS.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.