 | |
Видео
Шинэ мэдээ
Мордохын хазгай
Ерөнхий сайд Ч.Сайханбилэгийн санаачлагаар их эвлэрлийн Засгийн газар
байгуулах МАН, АН-ын зөвшилцлийн ажлын хэсгийн анхны , уулзалт болоод
сар ч болоогүй байна. Засгаа хамтран байгуулж, зовлонгоо цуг үүрэх АН,
МАН-ын зөвшилцөх ажлын хэсгийн анхны уулзалт өнгөрсөн сарын 26-ны 12
цагт Төрийн ордонд болж байв.Тэр үед УИХ дахь АН-ын бүлгийн дарга байсан Д.Эрдэнэбат эрхбиш олон тохиролцооны ард гарч, сайн муугаараа дуудуулж явсан зовлонг сайтар ойлгохтойгоо болсон нэгэн тул зөвшилцлийн ажлын хэсгийн ахлагчаас хөөрхөн мултарч, тэрхүү нажидтай үүргийг УИХ-ын гишүүн М.Батчимэгийн турьхан нуруун дээр тохчихсон түүхтэй.
Харин МАН-аас зөвшилцөх ажлын хэсгийн ахлагчаар Су.Батболд тодорч эхнээсээ л "жендерийн хаялага" үзүүлэх гэж буйр заасан ч гадаад дотоодод бишгүй явж, хурал номын дуу сайтар сонссон М.Батчимэг гишүүн тийм ч амархан гараа өргөчих нэгэн биш гэдгээ эхнээсээ л мэдрүүлээд явчихсан.
Ямар сайндаа л зөвшилцих ажлын хэсгийнхэн анхнаасаа л гацаанд орж, зарим тохиолдолд шийдсэн ч асуудалгүй хоёр тийш салцгааж байсныг гэрчлэх олон баримт үлдэж хоцорчээ.
Яг нэг ийм эгзэгтэй уулзалтын дараа нэгэн зургийг дарсан байдаг. Нэг нь гуйлгах гээд, нөгөөх нь гэдийх гээд огтхон ч ойлголцохгүй байсан тул Засгийн газар байгуулах зөвшилцөл эхнээсээ л тун эвгүйхэн өрнөсөөр эцсийн дүнд ёстой л наашаа харж инээн, цаашаа харж ярвайсаар асуудлаа шийдмээр болсон түүхтэй.
Гэтэл анхнаасаа мордохын хазгайгаар эхэлсэн МАН, АН-ын албан тушаалын бялуу хуваалт өнөөдөр ч олигтойхон шийдэлд хүрч чадалгүй, төрийн албыг гацаасаар л байгаа. Ер нь ингэж эхэлсэн зөвшилцөл хэзээ нэг эв зүйгээр шийдэгдэж МАН, АН-ын албан тушаалын төлөөх эрэгчин, эмэгчинээ үзэлцсэн тэмцэл арай жаахан намжиж, Монголчуудад ач ивээлээ үзүүлэх хэрэг вэ.
Эх сурвалж:
Санал болгох:
