|
Видео

Шинэ мэдээ

Газрын тос олборлолтыг өдөрт 9.7 сая баррелиар бууруулахаар тохиролцов

 

Газрын тос олборлолтыг өдөрт 9.7 сая баррелиар бууруулахаар тохиролцов

 

ОПЕК + орнууд өчигдөр болсон яаралта хуралдаанаар газрын тос олборлолтоо бууруулахаар тохиролцлоо. Хэлэлцээрт 23 улс нэгдсэн ч Мексик байр сууриа өөрчилсөнгүй. Нийт бууралт өдөрт  10 сая баррель байхаар төлөвлөсөн боловч Мексик зөвшөөрөөгүй тул 9,7 сая баррель болж байна. 

Хэлэлцээр ирэх 5-6 саруудад хүчинтэй байх болно. Энэ хугацаанд Мексик өдөр тутмын үйлдвэрлэлээ ердөө 100 мянган баррелиар бууруулах боломжтой гэжээ.

"Баасан гаригаас хойш тасралтгүй хийсэн хэлэлцээрийн үр дүнд бид тавдугаар сарын 1-ээс эхлэн ОПЕК + орнуудын үйлдвэрлэлийг өдөрт 10 орчим сая баррелаар бууруулах түүхэн гэрээг зарлаж байна" гэж Кувейтийн газрын тосны сайд Халед аль-Фадел твиттер хуудсандаа бичжээ.

Ираны газрын тосны сайд Бижан Намдар Зангане "Саудын Араб нь Кувейт, Арабын нэгдсэн Эмират улстай хамтран тохиролцсоноос гадна өөрсдийн нийлүүлэлтийг сайн дураараа 2 сая баррелиар бууруулахаар тохиролцов" гэжээ.  

Шинэ гэрээгээр 5-6 сард газрын тосны олборлолтыг өдөрт 9,7 сая баррелиар, долдугаар сараас 12-р сард өдөрт 8 сая баррелиар, 2021 оны нэгдүгээр сараас 2022 оны 4-р сард өдөрт 6 сая баррелиар буурах тооцоо гарчээ.

Тодруулбал, Орос, Саудын Араб нь өдөр тутмын олборлолтоо 11 сая баррелиас тус бүр 2.5 сая баррелиар бууруулна. Бусад бүх оролцогчид үйлдвэрлэлийн хэмжээг 2018 оны 10-р сарын түвшнээс 23 хувииар бууруулна. 2021 оны 12-р сард нөхцөл байдлыг шинэчлэн тогтоож магадгүй юм.

ОПЕК + орнуудын дараагийн уулзалт цахим хэлбэрээр 2020 оны зургаадугаар сарын 10-ны өдөр болно.

Сэтгэгдэл

АНХААРУУЛГА: Уншигчдын бичсэн сэтгэгдэлд www.KINGNEWS.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.
Нэр:*
Сэтгэгдэл:
Bold Italic Underline Strike | Align left Center Align right | Insert smilies Insert link URLInsert protected URL Select color | Add Hidden Text Insert Quote Convert selected text from selection to Cyrillic (Russian) alphabet Insert spoiler