 | |
Хакүхо аварга тэргүүтэй 4 бөх 5 даваатай барилдаж байна
Японы мэргэжлийн сүмо бөхийн Харү башёгийн тавдахь өдрийн барилдаан өндөрлөлөө. Их аварга Хакүхо М.Даваажаргал өнөөдөр Мёогирюүг давсанаар 5 даваатайгаар башёг тэргүүлж байна. Түүнтэй хамт озэки Гоэйдо, экс озэки Котошёогикү, маэгашира Ичиножо А.Ичинноров нар унаагүйгээр манлайлан барилдаж байна.
Какүрюү М.Ананд өчигдөр Дайейшог давсанаар 4 дэх даваагаа авсан бол гурван озеки цолтон бүгд өрсөлдөгч бөхчүүдээ давжээ.
Озеки Гойёдо Шодайг, Точиношин Кайсейг, озеки Такаясү Нишикигиг давсан байна. Тамаваши Б.Мөнх-Оргил өчигдөр цол ижил Такакейшог даван ээлжит даваагаа авчээ. . Маэгаширагийн 4-т эрэмбэтэй Ичиножо А.Ичинноров Оношогоор 5 дахь даваагаа авсан бол Дайшохо Ч.Шижирбаяр Кагаякид өвдөг шороодов. Чиёошома Г.Мөнхсайхан Тоёоношимагаар 3 дахь даваагаа авчээ.
