 | |
Видео
Шинэ мэдээ
Мал тооллого эхэлнэ
Манай улсын мал сүрэг өнгөрсөн онд түүхэнд байгаагүй их хэмжээгээр өсч 66.2 саяд хүрсэн. Энэ жил 18 мянган төл хүлээж авсан бөгөөд 84.6 сая мал намаржиж байгаа талаар салбарын сайд нь мэдээлж байсан билээ.
Тэгвэл энэ онд мал сүргийн тоо хэдэд хүрснийг албан ёсоор баталгаажуулах 2018 оны мал, тэжээвэр амьтад, хашаа, худаг тэжээлийн тооллого ирэх арванхоёрдугаар сарын 07-17-ны хоорогд улс орон даяар нэгэн зэрэг зохион байгуулахаар болжээ.
Үүнтэй холбогдуулан мал, тэжээвэр амьтантай иргэн, аж ахуйн нэгж байгууллагууд тооллогын үеэр малаа ойр бэлчээж, мал тэжээвэр амьтдыг нүдээр үзэж, биечлэн тоолох нөхцөлийг бүрдүүлэхийг анхааруулж байна. Мөн тавиул малтай иргэд малчинтайгаа холбогдож регистрийн дугаараа малчиндаа тэмдэглүүлж тооллогод хамрагдах аж.
Х.Хулан
