 | |
ALCATEL ERICSSON – НЫ ТӨХӨӨРӨМЖИЙН ГАЙ ЮУ, МОБИКОМЫН АЮУЛГҮЙ БАЙДЛЫН ЗАЙ ЮУ
Амралтын өдрүүдийн жиргээнээс...
Өнгөрсөн баасан гарагт УИХ-ын гишүүдийн 9911-тэй дугаараас иргэд рүү "1. Хятад царигаар хилээ сэтлүүлж 2. Bank of China барьцаалуулж 3.гадныханд газраа 100 жилээр өмчлүүлэх асуудалд та саналаа хэлнэ үү? " гэсэн агуулгатай мессеж ирж олныг гайхшруулсан.
Гэтэл энэ талаар УИХ-ын гишүүд өөрсдөө ч мэдээгүй байсан бөгөөд өөрсдийн Твиттер, Фэйсбүүк хуудсаараа дамжуулан "Мобиком хакердуулсан уу эсвэл захиалгат уу эзнийг нь яаралтай олж, шийдвэрлэнэ үү” гэсэн сэтгэгдэлүүдийг бичиж Спикер ТЕГ – т шалгуулна гэснээр асуудал эхэлсэн.
Энэ дуулиан Мобикомын хэвлэлийн хурал, өөрийгөө өмөөрсөн сэрэмжлүүлэг гэх шөнөжин явуулсан мессэжинд дарагдсангүй. Сошилнэтворкоор амралтын 2 өдрийн турш шуугисан.
Жиргээчид уг асуудалд өөр өөрийн байр суурийг илэрхийлсээр байна. Ингээд жиргээчдийн байр суурийг нэгтгэн та бүхэнд хүргэвэл дараах агуулга гарч байна:
- УИХ-ын гишүүдийн утаснаас ирсэн мессеж нь хэн нэгэн улс төрчдийн захиалага байж болзошгүй. Учир нь явуулсан мессеж нь Хятадын эсрэг иргэдийг турхирах гэсэн, төмөр замын царигийн асуудлыг хөндсөн байсан учраас УИХ-ын гишүүн Х.Баттулгыг захиалсан байж болзошгүй гэж зарим жиргээчид үзсэн байна. Гэтэл зарим хэсэг нь гадны улсын /Европын/ захиалгат бодлогоор хөрш улсуудын хооронд үймээн дэгдээх гэсэн оролдлого гэж жиргэсэн байна.
- Жиргээчдийн зарим хэсэг нь Мобиком корпораци нь Европын вэндэрүүд болох Ericsson, Alcatel-ын тоног төхөөрөмжийг ашигладаг бөгөөд эдгээр тоног төхөөрмжүүд нь мэдээллийн аюулгүй байдлыг хамгаалж чадаагүйн улмаас иргэд рүү спам мессеж очсон гэж жиргэсэн байна. Мөн дээрх вэндэрүүдийн тоног төхөөрөмж нь асар өндөр үнэтэй нийлүүлдэг учраас иргэдэд очих ярианы тариф, төлөлт өндөр гардаг гэсэн байна. Жиргээчдийн үзэж байгаар Европын гэсэн юм бүхэн чанартай, найдвартай байдаггүй, муу хэлээд байдаг Хятадын гэсэн бүхэн муу байдаггүй гэж шүүмжилж, жиргэсэн байна.
- Мобиком копораци нь албан ёсны мэдэгдэлдээ Румин, Мальта улсаас хакердсан байсан гэж мэдэгдсэн. Энэ мэдэгдэл нь жиргээчдийн сонирхолыг ихэд татсан байлаа. Учир нь дээрх улсуудаас Мобикомын Alcatel Ericsson тоног төхөөрөмжөөр дамжуулан Монгол хэлээр мессеж бичсэн нь жиргээчдийн гайхшралыг төрүүлсэн бололтой.
Эцэст нь та бүхэнд олны анхаарлыг татсан жиргээг эхээр нь хүргэж байна.
