Тэнхлэгээрэээ 23.5 градус орчим хазгар манай гариг эх одоо (нарыг) үл ялиг зуйван замаар тойрон эргэх зуур түүний гадрагын 2 талд (дээд, доод) улиралууд сѳѳлжлѳн солигдож, үүнийг нь дагаад ан амьтан ургамал цэцэгсийн амьдралын хэв маяг ѳѳрчлѳгддѳг билээ. Ан амьтад хэзээ ороондоо орох, үр тѳлѳѳ гаргах, нүүдэллэх, ичээндээ орох, ургамал хэзээ дэлбээлж үрээ цацах гэх мэт манай гаригийн гадрага дээрх экосистемийн бүхий л хэмнэл нь улирал цаг агаарын ѳѳрчлѳлтлѳѳр маш удаан хугацааны турш зохицуулагдсаар ирсэн. Зѳвхѳн ургамал ан амьтад гэлтгүй хүмүүс бид нар ч гэсэн хичнээн техник технологиор "тусгаарлагдсан” хэдий ч энэ хэмнэлд тодорхой хэмжээгээр захирагдсаар байгаа. Жишээ нь хүний биеийн зарим даавруудын ялгарал нь жилийн давтамжтайгаар ѳѳрчлѳгдѳх ба үүнээс үүдээд жирэмслэлт, амиа хорлолт, гэмт хэрэгийн гаралт, тэр байтугай таргалалт гэх мэт санаанд оромгүй олон зүйлс тодорхой хэмжээнд ѳѳрчлѳгддѳг. Бидний хаврын синдром гэж яриад байдаг зүйл ч гэсэн цаанаа үүнтэй холбоотой л байгаа.