Вэб холбоос

Манай улс “Чайна Энержи”-д нүүрсний тонн тутмыг нь хэдээр өгөх вэ. Энэ цаг үед хамгийн их анхаарал татсан асуудал болох юм.

Өчигдөр /2025.03.17/ хаврын чуулган нээнгүүт Гашуунсухайт-Ганцмод боомтын хүчин чадлыг нэмэгдүүлэх ЗГ хоорондын хэлэлцээрийг соёрхон батлах тухай хууль өргөн барив. Удахгүй хэлэлцээд ёсчилно.

Тийн Засгийн газар, УИХ-ын гараас ажил нь гарчих юм.

Харин “Чайна Энержи”, “Эрдэнэс Тавантолгой” ХК буюу хоёр тал сууж байгаа нүүрсний тонн тутмыг нь хэдээр вэ гэдгээ ярилцаж, тохиролцох ажил хийгдэх аж.

Тэгэхээр одоо урьдчилаад нүүрсний үнийг тонн тутмыг нь тэд гэж шууд оноож хэлэхэд хэцүү гэж албаныхан онцлов. Одоогоор дундаж үнэ 80 ам.доллартай байгаа.

Монгол Улс 2025 онд нэг тонн нүүрсийг дунджаар 105 ам.доллароор экспортлох зорилт тавьсан. Харамсалтай нь, эхний хоёр сард Хятадын зах зээл дээр нүүрсний үнэ тонн нь 80 ам.долларын ханшид хүрсэн бөгөөд энэ нь төсөөллөөс даруй 44 хувийн алдагдалтай дүн юм. Мөн нүүрс Ганцмод боомт дээр бөөгнөрсөн асуудал үүсээд буй. Хоёр долоо хоногийн өмнө л 5 сая орчим тонн нүүрс хилийн цаана овоороод байсан.

Он гараад нэгдүгээр сарын 01-нээс хойш ердөө 12,5 сая тонныг экспортлоод байна.

Үнэ, экспортын хэмжээ аль аль нь асуудалтай. Манай талаас “Хямд үнээр ч хамаагүй 100 сая тонн нүүрс аваачээ” гэдэг саналаа тавьжээ. 70-80 ам.доллароор 100 сая тонныг зарж, олох орлогоо тэнцүү хэмжээнд барина гэж үзэж буй бололтой. Өөрөөр хэлбэл, нүүрсний үнийн уналтыг нөхөхийн тулд биет хэмжээг нэмэгдүүлэхээр үзэж байна гэсэн үг. Гэвч 100 сая тонн байтугай 83 сая тонныг хил давуулах тээвэр, логистик, дэд бүтцийн хүчин чадал манайд байхгүй.

https://eguur.mn/576291/