 | |
Видео
Шинэ мэдээ
.png "Өнөөдөр цахилгаан хязгаарлах байршлууд")
Ховор өвчинд дарлуулаад “мангас” болжээ (видео)
20 настайдаа Шарлотта Хокинс царайлаг шаргал үст бүсгүй байсан гэдэг. Гэвч
аймшигт өвчин түүний зүс царайг танигдахын аргагүй өөрчлөн мангас шиг
болгожээ. Өсвөр насандаа Шарлотта ар нуруундаа жижигхэн ургацаг байгааг
мэдсэн гэдэг. Тэгэхэд тэрбээр энэ нь түүний амьдралыг орвонгоор нь
өөрчлөх өвчний анхны шинж тэмдэг байсан гэдгийг төсөөлөөгүй биз ээ. Тэр
цагаас хойш арван жил өнгөрөхөд Шарлоттаг хэн ч танихгүй болов. Түүний
нүүр царай, бие тэр чигээрээ хавдраар бүрхэгджээ. Өдгөө энэ зоригт эмгэн
49 жилийн туршид айхтар өвчиндөө (нейрофиброматоз) шаналан амьдарч
байгаа юм. Тэр энэ байдалтайгаа дасан зохицжээ. Харин залуу насандаа бол
ихэд шаналдаг байсан гэнэ. 15 насандаа Шарлотта нуруун дээрхи сонин янзын ургацгуудаа авахуулах ажилбар хийлгүүлжээ. Удалгүй тэрбээр гэрлээд хүүхэд төрүүлсэн байна. Хүүхэд нь эрүүл саруул төрсөн аж. Гэвч төдөлгүй ургацгууд дахин ургаж эхэлжээ. Нөхөр нь тэсэлгүй явж одсон байна. Шарлоттагийн байдал маш хүндэрч, ургацгуудыг нь авах ямар ч боломжгүй болжээ. Хамгийн хүнд зүйл бол нэг өдөр дэлгүүр дотор явж байсан жаахан хүүхэд Шарлоттагийн нүүр царайг хараад ихэд айн уйлсан явдал гэнэ. Үүнээс болж Шарлотта олон жилийн туршид орон гэрээсээ гаралгүй амьдарчээ. Гэвч сайхан сэтгэлт хүмүүс түүний асуудалд анхаарлаа хандуулж, эргэн нийгэмшихэд нь тус болсон юм.
Санал болгох:
