“Meta” болон “Microsoft” зэрэг дэлхийн томоохон технологийн компаниуд хиймэл оюун ухаан (AI)-д чиглэсэн хөрөнгө оруулалтаа нэмэгдүүлж, 

БЭЭЖИН, 2026 оны дөрөвдүгээр сарын 7 /Kazinform/. Хятадын эрх баригчид хиймэл оюуны салбарын ёс зүйн зохицуулалтын журмыг хэрэгжүүлж

ВАШИНГТОН, 2026 оны гуравдугаар сарын 23 /Kazinform/. Америкийн бизнес эрхлэгч Илон Маск “Terafab” хэмээх томоохон төслийг эхлүүлж

УИХ-ын даргын 2024 оны 76 дугаар захирамжаар байгуулагдсан замын хөдөлгөөний аюулгүй байдлыг хангах зорилгоор цахилгаан дугуй

2024 оны Парисын олимпын хийн гар бууны төрөлд цэц мэргэнээ сорьж, мөнгөн медаль хүртсэн Туркийн тамирчин Юсуф Дикечийн олимпын дараа хэвлэлд өгсөн ярилцлагыг орчуулан хүргэж байна.

Сүүлийн жилүүдэд Хятад, Монгол хоёр улс биологийн олон янз байдал, экологийн аюулгүй байдал, ядуурлыг бууруулах, тогтвортой хөгжилд дэлхий даяар ноцтой нөлөө үзүүлж буй дэлхийн хэмжээний асуудал болох цөлжилттэй хамтран тэмцэх арга замыг эрэлхийлж байна.

        2023 оны есдүгээр сард Монгол улсын нийслэл Улаанбаатар хотноо Хятад, Монголын цөлжилтөөс сэргийлэх, тэмцэх хамтын ажиллагааны төвийн нээлт болсон юм. Хятад улс тус төвийг 2021-2030 онд нэг тэрбум мод тарих Монгол улсын зорилтыг дэмжих талбар болгон ашиглахаа амласан.

        Мөн Хятад улс хамтарсан семинар, үзүүлэх арга хэмжээнүүдээр дамжуулан элсний нүүдлийн эсрэг технологио хуваалцаж байна.

        Хятадын Шинжлэх Ухааны Академи 2017 оноос хойш Монгол улсын Булган аймагт 27 га талбайд хөдөлгөөнт болон хагас хөдөлгөөнт элсэн манхныг тогтворжуулах, ургамлыг нэмэгдүүлэх арга замыг харуулсан төсөл хэрэгжүүлж байгаа юм.

        Мөн Хятад улс элсэн шуурганы аюулаас урьдчилан сэргийлэх үйлчилгээ үзүүлэх зорилгоор Монголын элсэн цөлд хяналтын станц барих төлөвтэй байна.

        Хоёр тал бүс нутгийн элсэн шуургыг бууруулах, Монголын тэгш өндөрлөгийн экологийн аюулгүй байдлыг дэмжих чиглэлээр үргэлжлүүлэн хамтран ажиллахаа амлалаа.

"Хятадын орчин үеийн шинэчлэл-Шааньси, Өвөр Монголоор аялахуй "Хятад, Монголын хэвлэл мэдээллийн хамтарсан сурвалжлагын арга хэмжээг 04-р сарын 21-нээс 28-ны өдрүүдэд болов. Энэхүү арга хэмжээг Бүх Хятадын Сэтгүүлчдийн Холбоо, Монголын Сэтгүүлчдийн Нэгдсэн эвлэлээс санаачилж, ӨМӨЗО-ны Ардын засгийн газрын Хэвлэл мэдээллийн алба зохион байгуулж, Шааньси мужийн Ардын засгийн газрын Хэвлэл мэдээллийн албанаас дэмжин зохион байгуулав. Арга хэмжээнд Монгол улсын МСНЭ, Өнөөдөр сонин, Хятадын Гуанмин өдрийн сонин, Лавлах мэдээ сонин, Глобал таймс сонин, Өвөр Монголын өдрийн сонин, Солонго Мэдээллийн төв зэрэг хэвлэл мэдээллийн 40 гаруй сэтгүүлчид оролцов.

Хөгжлийн боломжуудаас суралцав

Гадаадад өндөр түвшний нээлттэй байдлыг тасралтгүй өргөжүүлэх нь Хятад маягийн орчин үеийн шинэчлэлийг дэмжих зайлшгүй шаардлага юм. Ши-Аний Айжюй амуу тосны үйлдвэрийн групп болон Олон улсын боомтын бүсийн Хятад-Европын галт тэрэгний Ши-Ань дахь төвд хүрээд манай сэтгүүлчид Хятад улс гадаадад нээлттэй байхыг эрмэлзэж буйг мэдрээд зогсохгүй хөгжлийн боломжуудыг олж харсан юм.

Айжюй групп нь Хятад-Европын ачааны галт тэрэгний /Ши-Ань/ цугларах төвөөс ойрхон байрлаж, Ши-Аний олон улсын боомтын бүсийн боомтын чиг үүрэг, Хятад-Европын ачааны галт тэрэгний нээлттэй сувагт түшиглэн Казахстанд хөрөнгө оруулалт хийж, үйлдвэр байгуулснаар Хятад болон гадаад улс орнуудыг нэгтгэсэн бүхэл бүтэн аж үйлдвэрийн гинжин хэлхээний үндэстэн дамнасан тогтолцоог бий болгож, аж ахуйн нэгжүүдийг өндөр чанартай хөгжүүлэхэд тус дэм үзүүлсэн байна.

Тус группийн ерөнхий захирлын орлогч Лю Дүнмэн “Бүс ба Зам” санаачилгын хамтын бүтээн байгуулалтад идэвхтэй оролцож, хүнсний аюулгүй байдлын хангамжийн сүлжээний шинэ загваруудыг судалж, түүхий эд тариалах үндэстэн дамнасан төлөвлөлтөд хүрсэн төдийгүй, үр тарианы өндөр чанартай тариалалтын бааз байгуулж, Хятадын үр тарианы аж ахуйн нэгжүүдэд "дэлхийд гарах" ашигтай лавлагаа болсон тухайг танилцууллаа.

Боомтын үйл ажиллагааны бүсийн гол төслийн хувьд Хятад-Европын ачааны галт тэрэгний Ши-Ань цугларах төв нь "Бүс ба Зам"-ын орчин үеийн логистикийн системийг байгуулж, Хятад, Азийн хүмүүсийн солилцоо хамтын ажиллагаа, эдийн засаг, худалдаа, иргэд хоорондын харилцааг гүнзгийрүүлэхэд чухал үүрэг гүйцэтгэсэн юм.

Сурвалжлагын багийнхан Ши-Ань олон улсын боомтын үзүүлбэрийн танхимын хоёрдугаар давхаргаас кранууд эмх цэгцтэй байрлуулсан чингэлгүүдийг ачиж, Хятад-Европын ачааны галт тэрэг дээр тээвэрлэж байгааг харлаа. Ажилтны танилцуулснаар Хятад-Европын ачааны галт тэрэг /Ши-Ань/ өнгөрсөн оны нэг жилийн хугацаанд тээвэрлэсэн тоо 5000 давсан байна. Монголын ikon.mn сайтын сурвалжлагч Ням-Өлзий 2019 онд болсон "Бүс ба Зам" олон улсын хамтын ажиллагааны хоёр дахь удаагийн чуулга уулзалтад оролцож өнгөрснөөр Хятад-Европын галт тэрэгний ачаа тээвэрлэлтийн тухай тодорхой ойлголттой байлаа. 5000 удаа давсан гэдэг нь түүний хувьд маш гайхам байсан. Одоо тэрээр Ши-Ань олон улсын боомтын газар дээр нь хүрч ирээд Хятад улсын гадаад ертөнцөд нээлттэй байгаа эрч хүчийг гүн гүнзгий мэдэрсэн байна.

Монголын Сэтгүүлчдийн Нэгдсэн Эвлэлийн ерөнхий нарийн бичгийн дарга Б.Ууганбаяр хөгжлийн гарцыг үүгээр олж харсан байна. Тэрээр:

- Би Хятад улсын олон боомтуудаар явж байсан. Гэхдээ өнөөдөр анх удаа хуурай газрын боомтод ирлээ. Монгол Улсын “Боомтыг сэргээх” бодлогыг хэрэгжүүлэх хүрээнд бид Хятадад нэвтрэх боомтуудаа идэвхтэй өргөжүүлж байна.

Соёлын өвийн гайхамшгийг шагшив

Арван гурван гүрний эртний нийслэл болсон Ши-Ань хот нь Тан болон Чинь гүрний хэв маягаа хадгалан, 1400 жилийн түүхээ хадгалж үлдсэн хуучин хотын хэрэм нь уг хэвээрээ сүндэрлэж, Да Яньта сүмийн цамхаг сүр жавхлантай харагдаж байлаа. Монголын сэтгүүлчид Хятадын соёлын өргөн цар хүрээг гүн гүнзгий мэдэрч, Хятад улс шилдэг уламжлалт соёлоо анхааралтай хамгаалан уламжилж байгааг гайхан шагшив.

Хуучин хотын хэрэм дээр дуулагдсан “Хун галуу” аялгуу нь жуулчдын анхаарлыг татна. Монголын Сүлд телевизийн сэтгүүлч Я.Болорчимэг “Хун галуу” дууг нэг бадаг дуулаад сэтгэдлээ хуваалцсан юм. Тэрээр:

- Хятад улсын үсрэнгүй хөгжлийг бүгдээрээ биширч байна. Техник технологийн хөгжил, зам харгуй, хот төлөвлөлт, цэцэрлэгжүүлэлт зэрэг бүх салбарын хөгжил маш гайхалтай байлаа. Хятад улс түүх, соёлоо авч үлдээд түүнээ түгээн дэлгэрүүлэх ажил дээр анхаарлаа маш сайн хандуулж, аялал жуулчлалын бүс болгон өөрийнхөө өв соёл, түүхийг хүмүүсийн оюун санаанд хүргэж өгдөг нь маш их таалагдлаа.

Чан-Ань Арван хоёр цагийн гудамжид Монгол улсын 24 tsag.mn сайтын сэтгүүлч Д.Батчулуун болон focus.mn сайтын сэтгүүлч Б.Намуунзаяа Тан гүрний хувцас заслаар гоёж Хятадын соёлыг биечлэн мэдэрлээ гэдгээ илэрхийлэв.

Оройн хоолны үеэр ялимгүй бороо орсноор гудамжаар тайван алхахад таатай сэрүүн сайхан болсон юм. Соёл, технологи, бүтээлч байдал, үйлчилгээг нэгтгэсэн соёл, худалдааны иж бүрэн дүүрэг болох Их Тан гүрний нойргүй гудамжаар манай багийн сэтгүүлчид тайван алхана.  

Тан гүрний хувцсаар гоёсон focus.mn сайтын сэтгүүлч Б.Намуунзаяа тайван алхахын дагуу сэтгэдлээ хуваалцав. Тэрээр:

- Сая дотор байхад Хятад ард түмний урлагийн авьяасыг өөр өнцгөөр харлаа. Миний бодож төсөөлж байснаас өөр, бүр маш дээгүүр байлаа. Гарч ирээд энэ гудамжтай танилцаад шинэлэг өөр өнгө төрхийг хараад орчин үеийн залуучуудад зориулсан гэж бодож байна. Өнөөдрийн үйл явдлууд, ялангуяа сүүлд үзсэн үйл явдлууд маш их таалагдсан. Залуу хүний хувьд шинэлэг зүйлсийг туршиж үзэж байгаа маань таалагдлаа. Өнөөдөр Тан гүрний хатны дүрд ороод явж байгаадаа сэтгэгдэл маш өндөр байна. Монголдоо очихдоо эдгээр зүйлсийг Монгол улсынхаа өв соёлтой уялдуулаад хөрвүүлэх боломжтой гэдэг шинэлэг санаа орж ирж байна. Энэ талаар гоё сурвалжилга, мэдээллийг залуучууддаа бэлтгэж хүргэе гэж бодож байна.

Монголын сэтгүүлчдийг хамгийн их гайхашруулсан нь “Дэлхийн найм дахь гайхамшиг” болох Чин Шыхуаны цэрэг морьдын хөшөөний олдворуудын музей байлаа. “Цэрэг морьдын хөшөө хэрхэн бүтээсэн бэ", "Тэднийг сэргээхэд хэр хугацаа шаардагдах вэ", "Цэрэг морьдын хөшөөний өнгийг хадгалах технологи одоо байдаг уу" гэх Монголын сэтгүүлчдийн олон асуултуудын дунд музейн тайлбарлагчаас нэгд нэгээр тайлбар өгч байв. Чин Шыхуаны бунханы Хүрэл сүйх тэрэг морины музейгээс Чингийн хүрэл морин тэрэг морыг олдоход 3000 гаруй хэсэг хуваагдсаныг сэргээн засварлахад бараг 8 жил зарцуулагдсаныг ойлгож мэдсэн сэтгүүлчид ихэд гайхалаа.

Өнөөдрийн мэдээ сайтын сэтгүүлч И.Цэвэлмаа хэлснээр:

- Бүх улс орны түүх соёл, өв уламжлал, ёс заншил нь тухайн улс орны оршин байх, үндэс угсааг уламжлах, дэлхийд өөрийн гэсэн үнэ цэнийг бий болгодог. Өнөөдөр би соёл урлагийн түүхийн газруудаар аялаад сэтгэл өндөр байна. Энэ бүгдийг хараад Хятадын ард түмнээр Хятадын удирдлагаар бахрахгүй байхын аргагүй. Энэ түүхийг яянган жилийн турш үлдээн авч дэлхий нийтэд таниулж байгаа нь мөн Хятад улсын бахархал байх гэж бодож байна.   

Технологийн шинэчлэлийг бахархав

Тариалан аж ахуйн шинэчлэл нь орчин үеийн шинэчлэлийн чухал хэсэг бөгөөд бүтээн байгуулалтын хурд, чанарыг илэрхийлдэг. Янлин ухаалаг хөдөө аж ахуйн жишээ үзүүлэх паркд сэтгүүлчид Ухаалаг үүлэн удирдлагын төв, Ухаалаг хүлэмж, автоматжуулсан үйлдвэрүүдтэй танилцлаа. Улаан лоолийг хөрсгүй ургуулах систем нь хүмүүсийн анхаарлыг ихэд татав. Монгол улсын сэтгүүлч Д.Даваасүрэн, Хөдөө аж ахуйн газар тариалангийн тухайн салбарт ашиглаж байгаа технологийн дэвшлийг онцолж харсан, газар тариалангийн салбарт технологийн дэвшлийг ашиглахаас гадна төр засгаас дэд бүтэцийг хувьд зохион байгуулалтай хөгждөг гэдгийг ч олж харлаа. Манайд энэ хэлбэрийн технологи дүнгэж нэвтэрч байна, манай тариалан эрхлэгчид маань бас технологийн дэвшлийг салбартаа түлхүү ашиглах ёстой, тэгэж байж бид уламжлалтаасаа салж орчин үеийн дэвшил зүг хурдан тэмүүлэх болно гэж сэтгэгдлээ хуваалцлаа.

Ус бол амьдралын эх үүсвэр, газар тариалангийн амин судас юм. Хуурай бүс нутагт ус хэмнэдэг хөдөө аж ахуйг хөгжүүлэх шинжлэх ухаан, техникийн томоохон асуудлыг шийдвэрлэхийн тулд Баруун хойдын тариалан, ой шугуйн шинжлэх ухаан технологийн их сургуулийн хуурай бүс нутгийн ус хэмнэсэн газар тариалангийн ерөнхий давуу тал дээр үндэслэн шинжлэх ухаан, технологийн олон гайхалтай амжилтад хүрсэн байна. Монголын сэтгүүлчид Монголын газарзүйн нөхцөл байдалд үндэслэн Баруун хойдын тариалан, ой шугуйн шинжлэх ухаан технологийн их сургуулийн профессор Рэнь Шяолун ба Шюй Жинхуй нараас хуурай газар ус бордоо ашиглах, эрчим хүч хэмнэх усалгааны тал болон технологийн талаар маш олон асуулт дурдаж ойлголттой болов. Монгол улсын Сэтгүүлчдийн Нэгдсэн Эвлэлийн ерөнхий нарин бичгийн дарга Б.Ууганбаяр Хөдөө аж ахуйн сэтгүүлчээр найман жил ажиллаж байсан бөгөөд Янлин хотод болсон ярилцлагын үеэр олон нийтийн сүлжээгээр шууд дамжуулж, хуурай сэрүүн нөхцөлд газар тариа хөгжүүлэх асуудад шинжлэх ухаан технологийн үндэслэлтэйгээр ургацаа нэмэгдүүлэн, ургацын алдагдлыг бууруулах ба хэмлэлтийг горьмыг хараад Монгол улсад маш хэрэгтэй шийдлүүдийг шинжлэх ухааны үндэслэлтэйгээр олон зүйлийн судалгаан дээр үндэслэн хийж болно гэдгийг мэдсэн ойлголтоо хуваалцаж байв.

Мал аж ахуйн жишиг, загварыг гайхав

04-р сарын 26-нд Шилийнгол аймагт хүрч сурвалжлагийн ажилаа үргэлжлүүлэв. Шилийнгол дахь хоёр өдрийн сурвалжлагад манай багийнхан Мал аж ахуйн хувь нийлүүлсэн эдийн засгийн хоршоо, эко малын бүтээгдэхүүн боловсруулах парк, орчин үеийн тэжээлийн аж үйлдвэрийн парк зэрэг үйл ажиллагаатай танилцаж, бас Шилийнолын Авга хошуунд хүрч Орчин үеийн өрхийн аж ахуй, мал эмнэлгийн нийгэмшүүлсэн үйлчилгээний төвтэй танилцлаа.

Баруун Үзэмчний Баянхошуу сумны малчин Омогшлынд хүрээд өвөлжөөнд гарахад дулаан саравч барих, малын өвлийн тэжээлийн тухай олон олон асуулт дурдаж ярилцлага авав. Арван жилд нэг удаа тохиолддог төмөр зудны гамшиг нь Монгол улсын мал аж ахуйд ихээхэн хохирол учруулснаар Монголын сэтгүүлчид Омогшилыг сурвалжлахын дагууд маш олон мал аж ахуйн далын мэдлэг хуримтлуулав.

Авга хошууны үйлчилгээний төвд малын түргэн тусламжийн машин, алсын зайнаас оношилгоо өгөх өрөө, өвчнийг хянах өрөө, малын хагалгааны өрөө, өвчинтэй малын “эмнэлэгт хэвтэх” тасаг зэргээр хуваасан нь Монголын сэтгүүлчдэд шинэлэг мэдрэмж төрүүлээд зогсохгүй, тэднийг ихэд гайхшруулав.

Одоогоор Монголд ийм өндөр нөхцөлтэй малын эмнэлэг байхгүй. Өвчтэй малыг тусгаарлаад эмчилж байгаа нь надад маш шинэлэг санагдлаа. Эрчимжсэн мал аж ахуйг Монголд хөгжүүлэхэд эмнэлгээ шийдэх хэрэгтэй юм байна гэдгийг би олж харлаа гэж Хөвсгөл телевизийн Ренчинмядаг малын эмнэлэгт үзэж харснаа хуваалцлаа.  

Аялал дууссан ч нөхөрлөл бат оршино. Хэдэн өдрийн Шааньси, Өвөр Монголын сурвалжлагын аяллаар Хятад, Монгол хоёр орны сэтгүүлчид бие биенээ таниж сайхан нөхөрлөлөө.

Монгол улсын Сэтгүүлчдийн Нэгдсэн Эвлэлийн ерөнхий нарийн бичгийн дарга Б.Ууганбаяр:

- Бүх Хятадын Сэтгүүлчдийн Холбоо, Монголын Сэтгүүлчдийн Нэгдсэн Эвлэл хооронд санамж бичгийн хүрээнд хамтарсан сурвалжилга явагддаг. Энэ хүрээнд хамгийн том чухал ажлууд хамтарсан сурвалжлагаар Монгол улсын ард иргэд, ялангуяа Монголын залуучуудад БНХАУ-ын хөгжил цэцэглэлтийг танин мэдрүүлэх боломж манай сэтгүүлчээр дамжиж бий болдог гэж би харж байна. Энэ удаагийн сурвалжлагаар дамжин бид Хятад улс эдийн засаг, нийгмийн хөгжлийн салбарт томоохон амжилт гаргасныг харлаа. Монголын ард түмэн тэр дундаа залууст Хятадыг ойлгох хүсэл эрмэлзэл их байна. Бидний хэвлэл мэдээллийн хэрэгслүүдээр мэдээлэгдэх мэдээнүүд нь хоёр орны ард түмний солилцоог улам сайжруулж, хоёр орны эдийн засгийн хамтын ажиллагааг дэмжинэ гэдэгт итгэлтэй байна.

Малчид, иргэд, тээвэрчдийн анхааралд

4-нд нутгийн баруун хагаст, 5-нд нутгийн төв хэсгэээр, 6-нд нутгийн хойд хэсгээр бороо, дуу цахилгаантай аадар бороо орох тул болзошгүй нөөлөг салхи, мөндөр, аянга цахилгааны аюулаас сэрэмжтэй байхыг анхааруулж байна.

2024 оны зургаадугаар сарын 04-ний 20 цаг хүртэлх цаг агаарын урьдчилсан мэдээ

Хур тунадас: Нутгийн баруун хэсгээр үүлшинэ, бусад нутгаар солигдмол үүлтэй. Шөнөдөө баруун аймгуудын нутгийн баруун болон хойд, зүүн аймгуудын нутгийн хойд, говийн аймгуудын нутгийн өмнөд хэсгээр, өдөртөө баруун аймгуудын ихэнх нутаг, төвийн аймгуудын нутгийн баруун хэсэг, говь, зүүн аймгуудын нутгийн зарим газраар бороо, дуу цахилгаантай аадар бороо орно.

Салхи: Шөнөдөө ихэнх нутгаар баруун өмнөөс, өдөртөө нутгийн баруун хэсгээар баруун өмнөөс баруун хойш эргэж, бусад нутгаар баруун өмнөөс секундэд 5-10 метр, нутгийн зарим газраар борооны өмнө түр зуур ширүүснэ.

Агаарын температур: Шөнөдөө Монгол-Алтай, Хангай, Хөвсгөлийн уулархаг нутаг, Завхан голын эх, Хүрэнбэлчир орчим, Идэр, Тэс, Байдраг, Эг, Үүр, Тэрэлж голын хөндийгөөр +1...+6 градус, Их нууруудын хотгор болон говийн бүс нутгийн хойд хэсэг, Дорнод-Дарьгангын тал нутгаар +11...+16 градус, говийн бүс нутгийн өмнөд хэсгээр +15...+20 градус, бусад нутгаар +7...+12 градус, өдөртөө Алтайн уулархаг нутаг, Завхан голын эх, Хүрэнбэлчир орчимоор +12...+17 градус, Их нууруудын хотгор болон Хангай, Хөвсгөлийн уулархаг нутгаар +18...+23 градус, Орхон-Сэлэнгийн сав газар, Туул, Хэрлэн, Онон, Халх голын хөндий, Дарьгангын тал нутаг болон говийн бүс нутгаар +28...+33 градус, бусад нутгаар +24...+29 градус дулаан байна.

УЛААНБААТАР ХОТ ОРЧМООР: Шөнөдөө үүл багасна, өдөртөө үүлшинэ. Бороо орохгүй. Салхи баруун өмнөөс секундэд 5-10 метр. Шөнөдөө +10...+12 градус, өдөртөө +28...+30 градус дулаан байна.

БАГАНУУР ОРЧМООР: Шөнөдөө үүл багасна, өдөртөө үүлшинэ. Бороо орохгүй. Салхи баруун өмнөөс секундэд 5-10 метр. Шөнөдөө +7...+9 градус, өдөртөө +27...+29 градус дулаан байна.

ТЭРЭЛЖ ОРЧМООР: Шөнөдөө үүл багасна, өдөртөө үүлшинэ. Бороо орохгүй. Салхи баруун өмнөөс секундэд 4-9 метр. Шөнөдөө +4...+6 градус, өдөртөө +25...+27 градус дулаан байна.

“Улаанбаатар марафон 2024” өдөрлөг энэ долоо хоногийн Бямба гарагт (2024.05.25)-нд зохион байгуулагдана. 

Үүнтэй холбогдуулан нийслэлийн зарим зам, маршрутын чиглэлд гарах өөрчлөлтийг Тээврийн Цагдаагийн Алба (ТЦА)-наас өнөөдөр танилцуулсан юм. 

Энэ тухай ТЦА-ны Замын хөдөлгөөний удирдлагын хэлтсийн дарга, цагдаагийн хурандаа Б.Гомбосүрэн "Улаанбаатар марафон зохион байгуулагдахтай холбогдуулан дараах замын автомашины хөдөлгөөнийг тавдугаар сарын 25-ны өдрийн 06:00-18:00 цагийн хооронд түр хязгаарлана. 

Тодруулбал:

• Сүхбаатарын талбай
• Сүхбаатарын гудамж
• Их сургуулийн гудамж
• Сөүлийн гудамж
• Партизаны гудамж
• Бөмбөгөр худалдааны төвийн баруун урд талын уулзвар
• Төмөрчний гудамж
• Гэсэр сүмийн уулзвар
• Самбуугийн гудамж
• Анкарагийн гудамж
• Бага тойруу
• Бээжингийн гудамж
• Токиогийн гудамж
• Сансрын туслах замаас Энхтайваны өргөн чөлөө
• Зүүн дөрвөн замаас Баруун дөрвөн зам
• Гэндэнгийн гудамж
• Чингисийн өргөн чөлөө
• Монголын хүүхдийн ордны уулзвараас дотогш Төв шуудан хүртэл  

Дээр дурдсан замын хөдөлгөөнийг түр хязгаарлах тул бусад зам ачаалах магадлалтай. Тиймээс энэ өдөр аль болох автомашинаасаа татгалзахыг иргэдэд зөвлөж байна" хэмээв. 

Тавдугаар сарын 25-ны өдөр нийт 310 цэгт цагдаагийн 450 гаруй алба хаагч хамгаалалт, зохицуулалтад үүрэг гүйцэтгэх аж.