|
Видео

Шинэ мэдээ

Малаа хотлуулах гэж гэрээсээ гараад сураггүй болсон 6 настай хүүг олжээ

Малаа хотлуулах гэж гэрээсээ гараад сураггүй болсон 6 настай хүүг олжээ

 

Увс аймгийн Түргэн сумын Баянхайрхан багийн "Ихэр” гэдэг газар /аймгийн төвөөс баруун хойд зүгт 80 км-т, сумын төвөөс баруун зүгт 50 км-т/ нэгдүгээр сарын 17-ны өдрийн 16:30 цагийн орчим бага насны хүүхэд малаа хотлуулах гэж гэрээсээ гараад сураггүй болжээ. Энэ тухай дуудлагыг мөн өдрийн 21:12 цагт ОБЕГ-т хүлээн авсан байна.

Түргэн сумын мэргэжлийн ангийн алба хаагчид, ар гэрийнхэнтэй иргэн Б /6 настай, эрэгтэй/-ийг 20:40 цагаас эрэн хайх ажиллагааг эхлүүлсэн. Хүч нэмэгдүүлэн ажиллахаар тус аймгийн Онцгой байдлын газрын Эрэн хайх, аврах салбарын алба хаагчид очиж, эрэн хайх ажиллагааг хамтран зохион байгуулж, 18-ны өдрийн 03:00 цагт гэрээс нь баруун урд зүгт 25 км-т Баянхайрхан багийн "Индэрт” гэдэг газраас тухайн хүүхдийг төөрсөн явж байхад нь эсэн мэнд олж, ар гэрийнхэнд нь хүлээлгэн өгсөн. Хүүхдийн биеийн байдал хэвийн байна гэж ОБЕГ мэдээллээ.

Сэтгэгдэл

АНХААРУУЛГА: Уншигчдын бичсэн сэтгэгдэлд www.KINGNEWS.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.