 | |
Видео
Шинэ мэдээ
Тамхи татах цэг байгуулахыг гишүүд дэмжлээ
УИХ-ын Нийгмийн бодлого, боловсрол, соёл, шинжлэх ухааны байнгын хорооны
хуралдаанаар Тамхины хяналтын тухай хуульд нэмэлт, өөрчлөлт оруулах
тухай хуулийн төслийн эцсийн хэлэлцүүлгийг хийлээ. Хуульд өөрчлөлт
оруулах гол асуудал нь тамхи татах цэг байгуулах явдал юм. Байнгын
хорооны гишүүдийн олонхи дэмжиж, эцсийн хэлэлцүүлэгт бэлтгүүлэхээр
боллоо. УИХ-ын чуулганы нэгдсэн хуралдаанаар уг асуудлыг хэлэлцэж,
батлах учиртай.
Тамхины хяналтын тухай хуульд тамхи татах цэгийг албан
ёсоор байгуулж болох тухай заалт байхгүй. Харин олон нийтийн газар тамхи
татаж болохгүй гэж хуульчилсан байдаг. Үүнийг шүүмжлэх хүмүүс байсан.
Тэр дундаа тамхи татдаг хүмүүсийн эрх ашгийг хөндөж байна гэж үзэж
байгааг ч хэлж байлаа. Иймд УИХ-ын гишүүн Д.Эрдэнэбат Тамхины хяналтын
тухай хуульд нэмэлт, өөрчлөлт оруулах тухай хуулийн төслийг
боловсруулсан юм. Тэрээр хуулийн төсөлдөө тамхи татах цэг байгуулах
асуудлыг хөндсөн. Ингэхдээ тамхи татах цэгийг улсын төсвийн хөрөнгөөр
байгуулах гэдгийг онцолж байсан юм
