 | |
Хөдөө орон нутаг руу зорчих хөдөлгөөн ирэх сарын нэгэн хүртэл нээхгүй
Улаанбаатар хотоос хөдөө орон нутаг руу чиглэсэн зорчих хөдөлгөөнийг 2021 оны гуравдугаар сарын 01-ний өдрөөс нээхээр УОК-оос төлөвлөж байна.
Түүнчлэн, хилээр орж гарах зорчигч тээврийн хөдөлгөөн иргэдээ татан авах ажлаар үргэлжилж, улсын хилийг бусад тохиолдолд гуравдугаар сарын 31 хүртэл хязгаарласан хэвээр байх юм.
Нийслэлд зохион байгуулж буй "Нэг хаалга-Нэг шинжилгээ" зорилтот арга хэмжээ 2021 оны хоёрдугаар сарын 23-ны өдөр дуусч, дүүргүүд дэх халдварын голомт тодорхой болно. Мөн батлагдсан тохиолдлуудын хавьталыг олж тогтоон тусгаарлан тандах ажлууд хийх юм. Иймд халдварын голомттой нийслэлээс ногоон бүсийн аймаг орон нутаг руу зорчих хөдөлгөөн нээхийг түр хойшлуулахаар шийдвэрлээд байна. Бүх нийтийг хамарсан дээрх тандалтын нэгдсэн шинжилгээний ажил дууссанаар сорьц шинжлэх лабораторийн ачаалал буурна. Ингэснээр орон нутаг зорих иргэдийн ПСР-ын шинжилгээний хариуг 8-12 цагт багтаан гарах боломж бүрдэхтэй холбоотойгоор 3сарын 01-ны өдрөөс орон нутаг руу зорчих хөдөлгөөнийг нээхээр тооцсон болно.
