|
Видео

Шинэ мэдээ

Дананг хотын оршин суугчдыг бүгдийг нь коронавирусний шинжилгээнд хамруулна

 

Дананг хотын оршин суугчдыг бүгдийг нь коронавирусний шинжилгээнд хамруулна

 

Коронавирусний халдварын голомт болоод буй Вьетнамын Дананг хотын эрх баригчид хотын 1,1 сая иргэдийг бүгдийг нь оношилгоонд хамруулахаар төлөвлөжээ.

Тус улсын ЭМЯ мэдээлснээр, 7 дугаар сарын 1-нээс хойших хугацаанд 800 мянга орчим жуулчин Дананг хотоос гарч явсан байна.

Хотын удирдлага 7 дугаар сарын 25-наас хойших хугацаанд 8200 хүнд коронавирусний оношилгоо хийсэн бол одоо өдөрт 8-10 мянган хүнийг шинжилгээнд хамруулахаар төлөвлөж байгаа аж.

Халдвар авсан тохиолдлууд Данангаас гадна нийслэл Ханой болон Хошимин хотод бүртгэгджээ. Вьетнамын ЭМЯ  -ны мэдээллээр, Ковид-19-ээр өвчилсөн 589 тохиолдол бүртгэгдсэнээс 373 хүн эдгэрч, 3 хүн нас барсан байна.

Цар тахал анх дэгдсэнээс хойш 3 сарын дараа далайн эргийн Дананг хотод дахин халдварын тохиолдлууд илэрсэн байна. 7 дугаар сарын 31 хүртэлх хугацаанд Вьетнамд коронавирусний халдвараар нас барсан тохиолдол бүртгэгдээгүй байсан юм.


Сэтгэгдэл

АНХААРУУЛГА: Уншигчдын бичсэн сэтгэгдэлд www.ENE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.