 | |
Цаг агаарын урьдчилан сэргийлэх мэдээ
Дундговь аймгийн УЦУОШТ-өөс 24-ны өдөр нутгийн баруун, 24-25-нд шилжих шөнө ихэнх нутгаар, 25-ны өдөр нутгийн зүүн сумдаар салхи баруун хойноос сeкундэд 16-18 мeтр хүрч шороон болон цасан шуурга шуурч, 25-наас нийт нутгаар хүйтрэхийг онцгойлон анхаарууллаа.
Өчигдрийн 15 цагийн байдлаар тус аймгийн Сайхан-Овоо, Эрдэнэдалай, Дэлгэрхангай, Гурвансайхан сумаас аюул мэдээний дохио ирж байна гэлээ. Салхины хурд 15 м/с-ээс дээш гарсан тохиолдолд ийм дохио хүлээн авдаг ажээ.Хулд, Луус, Сайнцагаан суманд салхины хүч 14 м/с байгаа ба өнөө шөнөдөө нийт нутгаар шуурч, нутгийн хойд хэсгээр бага зэргийн цас орж, шороон болон цасан шуурга шуурах төлөвтэй байгаа аж.
Тиймээс малчид, тээвэрчид, иргэдийг анхаарал болгоомжтой байхыг мэргэжлийн байгууллагуудаас анхааруулж байна.
