|
Видео

Шинэ мэдээ

Хүүгийнх нь БИЧГИЙН ХЭВ МУУХАЙ байсан болохоор ганц л алгадсан гэж мэдүүлжээ

 

Хүүгийнх нь БИЧГИЙН ХЭВ МУУХАЙ байсан болохоор ганц л алгадсан гэж мэдүүлжээ

 

Баянгол дүүргийн наймдугаар хорооны оршин суугч, 45 настай, эрэгтэй Б нь 10 настай төрсөн хүүгээ зодож, амийг нь хөнөөсөн харамсалтай хэрэг гарсан талаар өмнө нь мэдээлсэн билээ. Эл хэрэг өнгөрсөн бямба /2020.02.15/ гарагийн 09:00 цагийн үед болсон байдаг.

Тэгвэл эх сурвалжийн мэдээлснээр сэжигтэн Б "Талийгаач хүүгийнхээ бичгийн хэв нь муухай байсан болохоор ганц л удаа хүчтэй алгадсан нь ийм байдалд хүргэсэн" гэж мэдүүлжээ. Одоогоор түүнийг ШШГЕГ-ын харьяа Цагдан хорих 461 дүгээр ангид саатуулж, хэргийг Баянгол дүүргийн Цагдаагийн II хэлтэст мөрдөн шалгах ажиллагааг үргэлжлүүлж байна. 

Албанхынхаас нэмж тодруулахад "Бичгийн хэв нь муухай байна гээд нэг л удаа алгадсан юм билээ. Тэр нь хүчтэй доргилт өгч, хүүхэд амиа алдах шалтгаан болсон байж болзошгүй. Одоогоор хэргийг шалгаж байгаа болохоор өөр нэмэлт мэдээлэл өгөх боломжгүй" гэх тайлбарыг өгөөд байна. 

Сургууль, цэцэрлэг амарсан үед хүүхдүүд ахуйн хүрээнд бэртэж, гэмтэхээс эхлээд амь насаа хүртэл алдах нь эрс нэмэгддэг байна. Иймд энэ үед эцэг, эхчүүд хүүхдээ илүү хайрлаж, анхаарах хэрэгтэйг сэрэмжлүүлж байна. 

 
Zindaa.mn
 

Сэтгэгдэл

АНХААРУУЛГА: Уншигчдын бичсэн сэтгэгдэлд www.ENE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.