 | |
ТӨРИЙН ХЯНАЛТ ШИНЖИЛГЭЭНИЙ ҮЙЛ АЖИЛЛАГАА ИРГЭДДЭЭ ХААЛГАА НЭЭЛЭЭ.
Төрийн ажлыг иргэд ширээний ард суугаад цаасан дээр үйл ажиллагаа явуулж байна гэж шүүмжлэх нь олонтой байдаг. Гэвч ямар ч нийгмийн идэвхтэй иргэн ажлынх нь мэдээ тайланг нь үзье гэж төрийн байгууллагын хаалтыг нь тогшиж байсан удаа цөөн биз ээ.
Тэгвэл Дундговь аймгийн ЗДТГ-аас Засаг даргын эрхлэх асуудлын хүрээний газар, хэлтэс, агентлагийн 2019 оны үйл ажиллагаанд хяналт – шинжилгээ хийж, үр дүнг үнэлэх арга хэмжээг төр, иргэний нийгэм, хэвлэл мэдээллийн байгууллагуудад нээлттэй зохион байгуулж байна.
Төрийн байгууллагууд үйл ажиллагааныхаа тайланг иргэд олон нийтэд хүргэж, харилцан туршлага солилцоод зогсохгүй оролцогчид сонирхсон асуултдаа бүрэн хариулт авах боломжтой бөгөөд шаардлагатай тохиолдолд аймгийн удирдлагуудаас зарим хэлтэс агентлагуудад үүрэг өгч ажиллаж байна.
"Бүтээн байгуулалт, иргэн төвтэй төрийн үйлчилгээний жил"-ийн үйл ажиллагааны тайланг хэлэлцэх үйл ажиллагаа энэ сарын 20-22-ны өдрүүдэд тус аймгийн ЗДТГ-ын "Говь” танхимд үргэлжлэх бол 2 дугаар сарын эхээр сумдын үйл ажиллагааны тайланг энэ аргачиллаар зохион байгуулах юм байна.
