 | |
Видео
Шинэ мэдээ
Дундговь аймагт Хүн ам, орон сууцны тооллого 74,8 хувьтай явагдаж байна.
Дундговь аймгийн Статистикийн хэлтсийн мэдээгээр Хүн ам, орон сууцны тооллогын дүн нэгдүгээр сарын 13 буюу тооллогын долоо дахь хоногийн байдлаар 74,8 хувьтай байна.
Энэ сарын 8-9-нд шилжих шөнө орон даяар эхэлсэн тооллогын үйл ажиллагааг тус аймагт 69 тоологч, 18 шалгагч гүйцэтгэж байна.
Хүн ам орон сууцны тооллого нь нийт хүн амын 10 хувийг уламжлалт аргаар буюу өрх бүрт очиж асуулга авч, 90 хувийг бүртгэлийн аргаар тоолж байгаа онцлогтой.
Дундговь аймгийн хэмжээнд 1545 өрх, 5701 иргэнийг тоолох ёстойгоос нэгдүгээр сарын 13-ны 15 цагийн байдлаар 1155 өрх, 4264 иргэн хамрагдаад байна хэмээн аймгийн Статистикийн хэлтсээс мэдээллээ. Тооллогын үйл ажиллагаа нэгдүгээр сарын 15-ны 22 цаг хүртэл үргэлжилнэ.
