 | |
ДУНДГОВЬ АЙМАГ ХӨДӨЛМӨРИЙН АЮУЛГҮЙ БАЙДАЛ, ЭРҮҮЛ АХУЙН ТУХАЙ ХУУЛЬ, ТОГТООМЖ СУРТАЛЧЛАХ АЯНЫГ ХОШУУЧЛАГЧИДДАА БАТЛАМЖ ГАРДУУЛЛАА.
Хөдөлмөрийн аюулгүй байдал, эрүүл ахуйн салбар зөвлөлөөс өнгөрсөн оны дөрөвдүгээр сард Хөдөлмөрийн тухай хууль, Хөдөлмөрийн аюулгүй байдал, эрүүл ахуйн тухай хууль, үйлдвэрлэлийн осол, хурц хордлогыг судлан бүртгэх дүрмийн хэрэгжилт, ажлын байранд ХАБЭА-н шаардлагыг хангаж ажиллахад харилцан шилдэг санаа, тэргүүн туршлагаа дэлгэрүүлэн, орчин нөхцөлөө сайжруулж, аюул ослоос урьдчилан сэргийлэх зорилгоор аж ахуйн нэгж, байгууллагуудад ХАБЭА-н хууль тогтоомжийн эмхтгэл, тайлангийн хавтас аялуулсан байна.
Тус аяны хүрээнд ХАБЭА-н зөвлөлийн ажиллах журам боловсруулж, эрүүл мэндийн үзлэгийг журмын дагуу зохион байгуулан, хамгаалах хувцас хэрэглэлийн жагсаалтыг батлуулсан, ажлын байранд тэмдэг, тэмдэглэгээг зөөврийн байдлаар шийдвэрлэсэн, эрсдэлийн үнэлгээ хийсэн, гадна талбайд тэмдэг тэмдэглэгээ хийж, цахилгааны асуудлыг шийдвэрлэсэн зэрэг идэвх, санаачилгатай ажилласан "МАНДАЛГОВЬ ХҮНС” ХХК, УЛАМЖЛАЛТ АНАГААХ УХААНЫ ТӨВ, МАНДАЛ СУРГУУЛЬ-д өнөөдөр батламж гардууллаа.
Аймгийн ХАБЭА салбар зөвлөлийг Засаг даргын орлогч ахладаг бөгөөд сумдад мөн адил Засаг даргын орлогчоор ахлуулсанХАБЭА-н салбар зөвлөлүүд ажиллаж байна. Хөдөлмөрийн сайдын А/114 тушаалаар 20-оос дээш ажилтантай аж ахуйн нэгж, байгууллагуудадХАБЭА салбар зөвлөлтэй байна гэж заасан байдаг байна. Судалгаагаар аймгийн хэмжээнд 20 дээш ажилтантай 85 байгууллага байгаа бөгөөд тэдгээрийн 50 хувь нь ХАБЭА зөвлөл байгуулсан байна.
