 | |
Орост улаанбурхан өвчин дэгджээ
Эх сурвалжийн мэдээлснээр, Тюмен мужид одоогийн байдлаар улаанбурхан өвчний 21 тохиолдол бүртгэгдсэн байна. Мужийн эрүүл мэндийн газрын мэдээлснээр тухайн голомтод "эцэг эх нь хүүхдүүддээ тарилга хийлгэхээс татгалзсан" гэр бүлүүд олон байгаа гэнэ.
Оренбург мужид энэ өвчнөөр халдварласан хүний тоо тодорхойгүй, гэхдээ хүүхдүүд төдийгүй насанд хүрэгчид улаанбурхан туссан байна. Энэ мужид өвчин Узбекистанаас дамжин орж ирсэн гэж Оросын хэрэглэгчийн хяналтын газар таамаглаж байгаа аж.
Дашрамд дуулгахад, улаанбурхан нь нэн халдварт өвчин бөгөөд урьдчилан сэргийлэх тарилга хийлгээгүй хүн вирус тээгчтэй ойр байснаас халдвар авах эрсдэл өндөр. Мөн урьдчилан сэргийлэх тарилга хийлгэхгүй байх нь энэ өвчин дэгдэх нөхцөл болдог байна.
Г.Бямбасүрэн
Shuud.mn
