|
Видео

Шинэ мэдээ

24 цагийн шуурхай ажиллагааны нэмэлт бригадууд ажиллаж эхэллээ

24 цагийн шуурхай ажиллагааны нэмэлт бригадууд ажиллаж эхэллээ

 

Улаанбаатар цахилгаан түгээх сүлжээ ТӨХК нь нийслэлийн хэмжээнд түүхий нүүрсний хэрэглээг хязгаарлан, гэр хорооллын айл өрхүүдийн цахилгааны шөнийн хэрэглээний тарифыг тодорхой хязгаартайгаар 100 хувь хөнгөлсөнтэй холбогдуулан хэрэглэгчдийг цахилгаан эрчим хүчээр найдвартай хангах, гэмтэл тасралт гарсан үед цахилгаан хангамжийг түргэн хугацаанд сэргээх зорилгоор ажлын бус өдөр болон шөнийн цагаар ажиллах шуурхай ажиллагааны нэмэлт бригадуудыг өнөөдөр /2019.11.25/-өөс гаргаж эхэллээ.

   Баруун болон Зүүн түгээх төвүүдээс гарч буй нэмэлт бригадууд нь шугам сүлжээ тоноглолд гарсан гэмтэл саатлыг богино хугацаанд сэргээн засварлах, Хэрэглэгчдэд үйлчлэх төвүүдийн бригадууд хэрэглэгчдийн дуудлагыг барагдуулах үүрэгтэйгээр ирэх оны хоёрдугаар сарыг дуустал 24 цагийн турш ажиллана.

   Түүнчлэн цахилгаан эрчим хүчний өвлийн их ачаалал эхэлсэнтэй холбогдуулан  Улаанбаатар цахилгаан түгээх сүлжээ ТӨХК нь шугам сүлжээ тоноглолын хэвийн найдвартай ажиллагааг хангахад онцгой анхаарч, нийт ажилтныг сахилга хариуцлагын өндөржүүлсэн бэлэн байдалд шилжүүлэх зэрэг зохион байгуулалтын бусад арга хэмжээг авч хэрэгжүүлж байна.

 

УЛААНБААТАР ЦАХИЛГААН ТҮГЭЭХ СҮЛЖЭЭ ТӨХК

Сэтгэгдэл

АНХААРУУЛГА: Уншигчдын бичсэн сэтгэгдэлд www.ENE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.