|
Видео

Шинэ мэдээ

13-11-2019, 13:37

Японд очоод үзэх ёстой Найман газар

Япон бол аялал жуулчлалын үйлчилгээ хамгийн өндөр хөгжсөн орнуудын нэг. Гаднаас очсон зочид энэ улсын техник, технологийн ололтоос гадна үйлчилгээний соёлыг нь бишрээд дахин ирэх бодолтой буцдаг. Ингээд та бүхэндээ Япон улсад аялаж, зугаалахдаа заавал үзэх ёстой 8 газрыг танилцуулж байна.

1.Кавачи Фужи цэцэрлэгт хүрээлэн (Kawachi Fuji Garden)

Анхилуун вистерийн туннел нь Кавачи Фужи цэцэрлэгт хүрээлэнгийн хамгийн гайхамшигтай дэлгэц юм. Дээрх зурганд харагдаж буй цэцгэн усан үзмийн ороонго нь аялагчдад зэн шиг тайван байдлыг төрүүлдэг. Түүнчлэн энэхүү цэцэрлэгт хүрээлэнд 20 нэр төрлийн 150 орчим вистериа ургамал ургадаг бөгөөд жил бүрийн 4 сард цэцэгс бүрэн ургах мөчид Вистериа фестивалыг зохион байгуулдаг.

2. Хаппо цөөрөм (Happo Pond)

Нагано мужийн уулсын дунд өвлийн цанаар гулгадаг гэдгээрээ Хаппо цөөрөм алдартай. Хакуба хотоос Хаппо хүртэл хүрэх аялал бол Японы Альпийн нурууны сонгодог зам юм. Эл цөөрөм нь Хакуба оргилуудаар хүрээлэгдсэн бөгөөд далайн түвшнээс дээш 2060 метрийн өндөрт байдаг.

3. Мотоносуми-Инари Шринэ (Motonosumi-inari Shrine)

Мотоносуми-Инари бол нутгийн иргэд амжилтанд хүрэхийг хүсдэг бунхан юм. Бунханы хандивын хайрцгийг хаалганы дээд талд байрлуулжээ. Хэрэв та хайрцагт мөнгөө амжилттай хийж чадвал таны бүх хүсэл биелнэ гэж итгэдэг ажээ.

4. Начи хүрхрээ (Nachi Falls)

133 метрийн өндөрт орших Начи хүрхрээ нь Японы хамгийн том хүрхрээ юм. Жуулчдын хамгийн их анхаарал татдаг хэсэг бол Начи Тайшай хэмээх ойрхон барьсан ариун бунхан. Энэ нь ихэвчлэн Кумано Кодо гэгддэг үзэсгэлэнт мөргөлийн сүүлчийн зогсоол билээ.

5. Зао цанын бааз (Zao ski resort)

15 налуу, 12 дамжаа бүхий Зао бол Японы хамгийн алдартай цанын баазуудын нэг юм. Аялагчид Зао руу цастай ууланд аялахаас гадна модонд алхахаар ирдэг. Хэт их цас, улирлын чанартай салхи нь өвлийн улиралд уулын нарс модыг бөөгнөрүүлж, "мөсөн мангас" буюу Японы "Жухё" хэмээх хачин хэлбэртэй цасан цамхагуудыг бий болгодгоороо содон аж.

6. Моцу-Жи сүм (Motsu-ji Temple)

Моцу-Жи сүмд (Ивате) яруу найраг уншдаг. Жил бүрийн тавдугаар сарын 4-ний ням гарагт Моцу-жи сүм яруу найрагчдыг сүмийн цэцэрлэгийн цөөрмийн горхи дагуу шүлэг бичихийг урьдаг. Тэд шүлгээ зохиохдоо урам зоригоо хөглөхийн тулд аяга тэнд байдаг байна. Ингээд ёслолын багшийн хамт яруу найрагчид өөрсдийн шүлэг тус бүрийг чангаар унших ёслолын арга хэмжээ зохион байгуулагддаг аж.

7. Жигокудани сармагчингийн цэцэрлэгт хүрээлэн (Jigokudani Monkey Park)

Цастай ууланд тогтсон горхи булаг нь үзэсгэлэнтэй байж болох ч аялагчид энд өөр зүйл, халуун хаврын сармагчингуудтай уулзахаар ирдэг. Японы 200 орчим макакуа сармагчин Жигокудани хотод амьдардаг бөгөөд энэ нь "тамын хөндий" гэсэн утгатай. Ширүүн хадан хясаанууд болон бусад хэсгүүд жилийн гуравны нэгд цасанд дарагддаг байна. Иймээс жуулчдад сармагчныг харах гэсэн жуулчдын цуваа тасардаггүй гэнэ.

8. Токио (Tokyo)

Түүхэн сүм хийд, тэнгэр баганадсан барилга, өвөрмөц Токиогийн цамхаг нь Япон улсыг зорин ирж буй жуулчдын сэтгэлийг хэзээ ч унагадаггүй аж. Жишээлбэл, "Roppongi Hills”-ийн задгай талбай нь инстаграм зураг шиг зураг авахад хамгийн тохиромжтой газруудын нэг юм.

 

Эх сурвалж: CNN

Сэтгэгдэл

АНХААРУУЛГА: Уншигчдын бичсэн сэтгэгдэлд www.ENE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 7711-0505 утсаар хүлээн авна.