|
Видео

Шинэ мэдээ

Хабиб, Конор нарыг шийтгэлээ

Хабиб, Конор нарыг шийтгэлээ

 

ОХУ-ын тулаанч Хабиб Нурмагомедов, Ирландын тулаанч Конор Макгрегор нар шийтгүүлжээ. АНУ-ын Невада мужийн Спортын комисс тэднийг өнгөрсөн аравдугаар сарын 6-нд хийсэн тулааныхаа дараа танхайрч, зодолдсон гэж буруутгасан байна.

 

Хабибын тоглох эрхийг есөн сар хасч, 500 мянган доллароор торгосон бол Конор Макгрегорыг зургаан сар тулалдах эрхийг нь хасч, 50 мянган доллароор торгожээ. Тэдний шийтгэлийг тулалдсан өдөр болох аравдугаар сарын 6-наас эхлэн тооцох аж.

 

Түүнчлэн Хабибт нэгэн боломж олгосон бололтой. Түүнийг танхайрлын эсрэг чиглэсэн реклам сурталчилгаанд тогловол шийтгэлийн хугацааг нь зургаан сар болгож багасгана гэжээ.

 

Конор, Хабиб нар аравдугаар сард хийсэн тулааныхаа дараа ч цахимаар бие биедээ дургүйцлээ илэрхийлсээр байсан билээ. Тухайлбал, Хабиб энэ сарын эхээр "Инстаграм”-даа Конорыг боож байгаа зургаа хийж "Чи энэ бузар булайтайгаа бүхий л насаараа амьдарна” гэсэн утгатай зүйл бичсэн. Дагестан залуугийн фэнүүд нь түүнийг "Яах гэж ингэдэг юм бэ”, "Хабиб, чи ухаалаг хүн, битгий наадахтайгаа зууралд”, "Ингэх хэрэггүй Хабиб” гэх зэргээр шүүмжийн үгс хэлээд авсан билээ.

 

 

Конор Макгергор и Хабиб Нурмагомедов на церемонии взвешивания перед боем.

Zindaa.mn

Сэтгэгдэл

АНХААРУУЛГА: Уншигчдын бичсэн сэтгэгдэлд www.ENE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.