|
Видео

Шинэ мэдээ

УИХ-ын гишүүн Б.Ундармаа ЖДҮХС-гаас 700 сая төгрөгийн зээл авсан нь ил боллоо

УИХ-ын гишүүн Б.Ундармаа ЖДҮХС-гаас 700 сая төгрөгийн зээл авсан нь ил боллоо

 

Төрөөс олгож буй хөнгөлөлттэй зээлүүд зорилтот бүлэгтээ биш төрийн албан тушаалтнууд буюу гишүүд, дарга нарын халаасанд орсон нь нэгэнт ил боллоо.

УИХ-ын нэр бүхий гишүүдээс гадна банкны захирал, төрийн тусгай чиг үүрэгтэй албаны дарга нарын нэр ч, баримт мэдээлэлтэйгээ тодорсоор байгаа юм.  Ёстой л 76 гишүүн, сайд, дарга нарын хэд нь нэр цэвэр үлдэх нь цаг хугацааны л асуудал болох нь.

Одоогийн байдлаар УИХ-ын гишүүн Г.Солтан, Н.Учрал, Н.Оюундарь, Х.Болорчулуун, Ж.Энхбаяр, ХХААХҮ-ийн сайд Б.Батзоригоос гадна Төвбанкны ерөнхийлөгч Н.Баяртсайхан, Монгол Улсын Ерөнхий прокурорын орлогч, Төрийн хууль цаазын шадар зөвлөх Б.Амгаланбаатар нар хувийн компанидаа хөнгөлөлттэй зээл авсан нь тодорхой болоод байна.

Тэгвэл ЖДҮХС-аас зээл авсан шүүмжлэлд өртөөд байгаа УИХ-ын гишүүдийн эгнээнд Б.Ундармаа гишүүн "нэгджээ”. Тэрээр 2017 онд Жижиг, дунд үйлдвэрийг хөгжүүлэх сангаас 700 сая төгрөгийн зээл авсан баримт гарч ирлээ.

Б.Ундармаа гишүүн АТГ-т өөрийнх хөрөнгө гэж мэдүүлсэн "Доктор МЭИК" ХХК-даа 700 сая төгрөг авсан байх юм.  Гишүүний өнгөрсөн жилийн ХОМ-ийг харвал түүний хөрөнгө 128 тэрбум төгрөгөөр хэмжигдэж байна.

Эх сурвалж: www.polit.mn

Сэтгэгдэл

АНХААРУУЛГА: Уншигчдын бичсэн сэтгэгдэлд www.KINGNEWS.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.