 | |
Хүний наймаа буюу “Бэлгийн боолчлол” Монголд
Сүүлийн жилүүдэд гэмт хэргийн гаралтын тоо өссөөр байгаа. Энэ нь
нийгэмд замбараагүй байдал бий болсон гэдгийг харуулж буй хэрэг билээ.
Харамсалтай нь гэмт хэрэгт холбогдож буй хүмүүсийн ихэнх нь өсвөр
насныхан байгаа юм. Мөн бие үнэлэх явдал гаарсаар байгаа юм. Энэхүү биеэ
үнэлэх явдлыг өөхшүүлж буй зүйл бол жижиг зочид буудал болоод байгаа
бөгөөд биеэ үнэлж буй эмэгтэйчүүдийн ихэнх нь өсвөр насны охид байгаа нь
үнэхээр харамсалтай.
Үүнээс гадна тэд интернет кафед суун цахимаар биеэ үнэлэх болсон нь энэхүү хэрэг газар авсаар байгааг харуулж буй хэрэг. Энэ нь нийгэмд замбараагүй байдлыг бий болгоод байгаа юм. Мөн компьютерний ард суусан гаж донтонгуудын тоо олширч энэхүү цахим гэмт хэргийн хохирогч нь охид болжээ. Хэн нэгэн танихгүй хүнтэй чатлах, түүнтэйгээ уулзах тэр үед хүчирхийлэлд өртөж байгаа юм. Тодруулбал: Секс сүрдүүлгэ буюу онлайн дарамт.
Энэ төрлийн гэмт хэргийн тогтсон хэлбэр бол хуурамч фэйсбүүкээр танилцана, үүний дараа Skype мессенжэрээр онлайн секс хийж, хийж байгаа бичлэгээ Youtube хуудсанд байршуулснаар эхэлдэг аж. Өөрөөр хэлбэл таны нүцгэн бичлэгийг интернэтэд байршуулж найз нөхөд, гэр бүлд тань тараана гэх байдлаар дарамталж 1000-5000 ам.доллар шилжүүлэхийг шаарддаг байна. Үүнээс урьдчилан сэргийлэх боломж таны гарт л байх бөгөөд та тодорхой хэмжээнд мэдлэг, мэдээлэлтэй, анхаарал болгоомжтой байж гадаад улсын иргэдтэй онлайн байдлаар харилцахдаа сэрэмжтэй байх хэрэгтэй юм. Хэрэв ийм байдлаар бусдын дарамтанд орсон бол ЦЕГ-ын Цахим гэмт хэрэгтэй тэмцэх албанд хандах хэрэгтэй аж.
Иргэд ийн мэдээлэл муугаас гэмт хэргийн золиос болон хоцордог учир нь ийн мэдээлж байна. Үүнээс гадан манай улсад хүн худалдаалах гэмт хэрэг далд байдалд байсаар байгаа нь айдас төрүүлж байна. Дэлхийд жилд дунджаар 20.9 сая хүн хөдөлмөрийн мөлжлөг, барьцааны ажил, албадан бие үнэлэлтийн хохирогч болдог гэсэн судалгааг Олон улсын байгууллагаас гаргасан байдаг бөгөөд хохирогчдын 75 хувийг охид эмэгтэйчүүд эзэлж байна.
Хүн худалдаалах гэмт хэргийн хохирогчдыг тархацаар нь авч үзвэл 1000 хүн тутмын 1.8 нь ямар нэг байдлаар энэ төрлийн гэмт хэргийн хохирогч болох эрсдэлтэй байгаа юм. Харин хохирогчдын тархац Ази Номхон далайн бүс нутагт 1000 хүн тутмын 3 гэсэн өндөр үзүүлэлт гарч байгаад анхаарал хандуулах шаардлагатай юм. Хүн худалдаалах гэмт хэргийг шийдвэрлэж буй байдлаар нь авч үзвэл бэлгийн мөлжлөгийн хэргийг 58 хувьтай, хөдөлмөрийн мөлжлөгийн хэргийг 36 хувьтай шийдвэрлэж байна.
Түүнчлэн хүн худалдаалах гэмт хэргийн хэлбэр, төрлүүд цаашид нэмэгдэх хандлагатай байгаа нь айдас төрүүлээд байгаа билээ. Тухайлбал, уран нугараач, хүчээр хулгай дээрэм хийлгэх, боолчлох, хараа хяналтгүй хүүхдийн асуудал, хүүхэд үрчлэлт гэх мэт. Манай орон энэ төрлийн гэмт хэргийн гаргагч орноос хүлээн авагч орны статустай болох шинж тэмдэг ажиглагдаж байна. Тухайлбал, Умард Солонгос, Вьетнам, Филиппин улсын иргэд Монгол Улсад хөдөлмөр эрхлэх явцдаа энэ төрлийн гэмт хэргийн хохирогч болох явдал гарсаар байгаа.
Хүн худалдаалах гэмт хэрэг нь үндэстэн дамнасан зохион байгуулалттай гэмт хэрэг болохын хувьд туйлын мэдрэмтгий, арга хэлбэрээ байнга өөрчилж, нууц далд, зохион байгуулалтанд орж байна. Энэ төрлийн гэмт хэрэг хүрээгээ тэлэхэд бэлгийн аялал жуулчлал голлох нөлөө үзүүлж байгаа бөгөөд насанд хүрээгүй хүүхдийн биеийг үнэлүүлэх асуудал гарч байгаа юм. Мөн хар тамхи, мансууруулах бодис гэх мэт зохион байгуулалттай бусад гэмт хэргүүдтэй хавсран үйлдэгдэх магадлал өндөр аж.
Хэдийгээр албан ёсоор бүртгэгдсэн тохиолдол байхгүй ч цус, эд эрхтэний наймаа үйлдэгдэж болзошгүй байна. Нийгэм ийн аюултай байдалд байгаа энэ үед эцэг эхчүүд хүүхэддэ тавих анхаарлаа өндөржүүлэх хэрэгтэй байгаа ба бага насны хүүхдийн цахим ертөнцөөс хол байлгах нь үүнээс сэрэжлүүлэх учиртай. Өнөөдөр ЕБС-ын бага ангийн хүүхдүүд хүртэл фэйсбүүкээр бие биетэйгээ танилцаж байгаа. Тэр ч бүү хэл нүцгэн зургаа өөрийн цахимд хийх тохиолдол их бий болжээ. Хөх өгзөгөө гарган авхуулсан зургаа олон нийтийн цахим сайтад нийтлэх нь хүний анхаарлын төвд орох ба гэмт хэргийн золиос болоход тун ойрхон юм. Ийн нүцгэн зургаа фэйсбүүкдээ оруулсанаар энэ үед таны хүүхэд дээрх гэмт хэргийн золиос болох аюултай байгаа тул анхааралаа өндөржүүлэх хэрэгтэй болоод байгаа юм. Мөн өсвөр насны хүүхдүүд нь хаагуур юу хийж явааг байнгын асууж байх хэрэгтэй. Таны хүүхэд гудамжинд хүн дээрэмдэж эсвэл дээрэмдүүлж, охид нь биеэ үнэлэж байж ч магадгүй юм. Нийгэм замбараагүй байдалд байгаа нь үүнээс харагдаж байна.
